Dili-Ministeriu Justica,liu husi Diresaun Nasional Direitus Humanus e Sidadania (DNDHC) konvoka reiniaun ho sosiadade sivil hanesan Yayasan HAK,JSMP,no seluk tan hodi diskuti kona ba Planu Asaun Annual ba Direitus Humanus nian,reiniaun ne’e hala’o iha Sala Reiniaun Ministeriu Justisca,Caicoli Dili Sexta Feira (29/08).

Hafoin loke diskusaun ne’e Ministro Justica,Dionisio Babo hateten katak Direitus Humanus assuntu inportante tebes iha paiz Timor Leste ne’e,governu Timor Leste mos ratifika ona tratadu konvensaun Direitu humanus barak ona tamba ne’e presija ita hotu atu halo diskusaun kelean kona ba assuntu ne’e.

“Parabens ba sosiadade sivil sira nia prezensa inportante tebes tamba assuntu direitus humanus presija ita hotu nia atensaun,no liu husi diskusaun ida ne’ebe kelean liu hodi prepara komisaun ida hodi fo apoiu tekniku ba komisaun hodi halo konsulta no halo kordensaun entere autor sira hotu hodi hamosu esbosu”Dehan Ministro Justica,Dionisio Babo.

Iha fatin seluk Direitur DNHC Celito Cardoso mos informa katak iha primeiru governu sei dauk hahu halo planu asaun Nasional ba Direitus Humanus nian tamba ne’e iha V governu liu husi DNDHC no sosiadade sivil sira atu hanoin oinsa mak atu bele kria plataforma ida kona ba asaun nasional Direitus Humanus nian hodi estabelese komisaun ida mak sei responsabiliza ba assuntu ne’e hodi sai hanesan instrument iha paiz ida ne’e .

Iha sorin seluk Direitus HAK Manuel Monteiro mos informa katak mai ami sosiadade sivil inportante tebes hanesan estadu ita tenke formula e mai ami sosiadade sivil lakoi mak ita halo ratikasaun uluk mak depois ita halo fali plataforma ne’e labele,e laos tamba ita sai ona membru no laos tamab ita ratifika ona konvensaun maibe assuntu direitus humanus inportante tebes atu dezenvolve povu no rai ida ne’e.

Iha fatin hnesan mos Direitur JSMP Luis Oliveira Sampaio mos informa katak primeiru ami fo kongratula ba governu liu-liu Miniteriu Justica tamba bele involve ami sosiadade sivil hodi mai halo diskusaun kona ba assuntu direitus humanus.