Dili-Ministro Justica,Dionisio Babo partisipa iha serimonia tomada de posse ba pesoal Auditorial kamara de Kontas hamotuk nain 15 ne’be hetan posse husi Prezidente Tribunal Recursu Guelhermino da Silva akompania husi Prezidente Funsaun Publiku Liboreio Pereira,serimonia ne’e hala’o iha Tribunal Recursu Quarta Feira (27/08).

Tuir Ministro Justica,Dionisio Babo hateten katak ohin ita marka tan istoria foun ida ba Timor Lesta tamba foin primeira Vez Timor Leste iha Tecniko pessoal auditoria ba orsamentu do estadu nian,e mos hodi kontrolu no sosializasaun ba prosesu ejekusaun orsamentu do estadu ne’ebe hetan aprovasaun husi Teknico Auditoria Tribunal de kontas nian.

“hanesan preparasaun no sosializasaun Tuir elaborasaun relatoriu paraser ba konta jeral do estado ne’ebe Parlamentu Nasional aprova ”dehan MJ.

Tamba ne’e teknico sira ne’e tenke iha kualifikasaun ne’ebe diak no servisu nudar instituisaun Autonomo,e ita bo’ot sira mos tuir formasaun ne’ebe intensive tebes liu-liu kona ba lingua potuguesa ne’e inportante tebes iha ita bo’ot sira nia knar fatin tamba ita nia enkandramentu legal sira ne’e hakerek ho lingua portugeusa ne’e inportante tebes tamba dala ruma iha elaborasaun relatoriu fo ba juiz sira atu halo desizaun tamba juiz sira iha konfiansa ba ita bo’ot sira nia relaotiru ne’e.

“Husu mos ba tekniku Auditoria sira atu konhese didiak lei organika Kamara de kontas nian e mos tenke konhese didiak lei ne’ebe iha relasaun ho jestaun finanseiru nian nomos diploma sira seluk ne’ebe ita iha ne’e inportante tebes dala ruma servisu ne’ebe ita bo’ot sira halo kik oan hela maibe nia inpaktu ba dezenvolvimentu bo’ot tebes” Dehan Ministro Justica.

Paritsipa iha serimonia tomada de posse ne’e Ministro Justica,Dionisio Babo,Prezidente Tribunal Rekurusu Guelhermino da Silva,Juiz Tribunal Distrital Dili,Duarte TIlman no familia husi Emposadu auditoria nian.