Dili-Ministru Justisa Dionisio Babo, Ministro Petrolium Rekursu Minarais Alfredo Pires, Prezidente Timor Gap Fransisco Monteiro akompania husi Direitor DNAJL Nelinho Vital ho assessor Internasional sira halo diskusaun kona ba proposta Dekretu lei transmisaun rai komunitaria iha Suku Camanasa ne’ebe afeta ba husi mega projeitu Suai Supply Base,reniaun ne’e hal’ao iha Timor Plaza Dili (07/07).

Iha diskusaun ne’e Ministru Justisa,Dionisio Babo informa katak reuniaun ne’e atu hare liu kona ba Proposta lei ne’ebe prepara husi Ministeriu Petrolium Rekursu Minarais (MPRM) kona ba rai komuniataria iha Suku Camanasa ne’ebe afeta ba projetu supply Base ne’e.

“Ohin mai halo diskusaun ho MPRM sira hodi hare liu ba parte lei rai nian hanesan estatu husi rai ne’e tamba ita nia lei rai sei dauk hetan aprova husi Parlamentu Nasional tamba tamba lei ne’e mak sei disidi ou regula kona ba rai komunitariu ne’e ” Dehan MJ.

Iha fatin seluk Ministro MPRM Alfredo Pires mos iha diskusaun ne’e mos informa atu hare liu kona ba oin nusa atu halo rekonhesementu ba rai komunitariu ne’ebe populasaun Camanasa halo reklamasaun ne’e ne’ebe afeta ba projeitu supply base ne’e.