Dili-Ministro Justica,Dionisio Babo ne’ebe durante ne’e lidera reiniaun konselhu Kordenasaun ba seitor Justica nian ne’ebe kompsotu husi Ministeriu Justica,Procurador Jeral da Republica,Tribunal no Defensoria Publica,iha Quinta Feira ne’e Konselhu hala’o reiniaun hodi diskuti kona ba planu Estrategico ba Integrated Information Management System (IIMS) ne’ebe durante ne’e hetan apoiu finanseiru husi UNDP hodi estabalese sistema IIMS ne’e iha seitor Justica tomak.reiniaun ne’e hala’o iha sala reiniaun Ministeriu Justica,Caicoli Dili Sexta Feira (03/07)
Tuir Ministro Justica,Dionisio Babo iha reiniaun ne’e hateten katak Sistema IIMS ne’ebe durante ne’e estabelese iha seitor Justica hanesan Ministeriu Justica,PNTL,Procurador Jeral da Republika,Tribunal,Defensoria Publika,ne’ebe hetan apoiu finanseiru husi UNDP,no iha tinan 2015 UNDP la apoiu ona orsamentu ba sistema ne’e tamba ne’e hakarak ga lakoi ita tenke tau ona orsamentu ba sistema ne’e hodi halo manutensaun iha tinan 2015.
“Ita hotu hatene katak sistema ne’e lao kleur tea ona no durante ne’e hetan apoiu husi UNDP tamba ne’e iha tinan 2015 UNDP sei la fo tan apoiu ba Sistema ne’e, tamba ne’e hakarak ga lakoi govenru tenke tau ona orsamentu ba tinan 2015 hodi halo manutensaun ba sistema ne’e ”Dehan Ministro Justica,Dionsio Babo
Iha parte seluk Procurador Jeral da Republica Jose Ximenes informa tan katak sistema ne’e intrega ba Governu liu-liu iha seito justica nia presija estabele mos regrasa balun hodi regula kona ba sistema ida,e nune mos ita presija kapasita ita nia rekursu humanu hodi toma konta ba sistema ida ne’e.
Iha sorin seluk Defensor Publicu Jeral Sergio Hornai hateten katak Sistema IIMS ne’e estabelese iha tinan 2010 iha inisiu kedan primeiru halo lansamentu ida kona ba sustentabilidade orsamentu apoiu husi Justice Facility,tamba ne’e agora ita presija fo formasaun ba Timor oan sira liu-liu iha parte tekniku nia.