Portugal, Lisboa, hahu loron 23 de Junho too dia 26 de Junho de 2014, Vice Ministro Justiça, Ivo Valente, hamutuk ho Assessor Dr. João Gonsalves, halao vizita de servisu ba Portugal, nudar paiz nebe iha koperasaun bilateral ho Timor – Leste, hahu tinan 2000 fo apoiu ba sector justiça Timor – Leste.

Reportagem nebe media officer gabinete Vice Ministru Justiça kobre durante loron hirak tuir mai, sei akompanha atividade diária, nebe halao husi líder politika nee, iha Portugal durante loron 5, nebe vizita instituisaun justiça no intituisaun seluk Estado Portugues nian, hodi hametin servisu de koperasaun iha sector justiça ba futuro.

Sidade Lisboa, nudar kapital nasaun Portugal, loron domingo, dia 22 de Junho de 2014, Vice Ministro Justiça Ivo Valente ho eix Presidente Tribunal Rekursus Timor – Leste, Dr. Cláudio Ximenes, halo jantar hamutuk iha restaurente chinesa, Vasco da Gama, sorumutu informal ba dahuluk nee, hodi hetan informasaun husi Eix presidente Tribunal Rekursu Timor - Leste nian, rona experiensia no vizaun ruma ba futuro Justiça iha Timor Leste, liu-liu assuntu hanesan iplementasaun Lei konaba hari policia judiciaria Timor – Leste funsionamentu no mekanismu PSIK (Polisia Sientifika Investigasaun kriminal), importansia seluk maka kontinuasaun ba formasaun ba Juizes, Procuradores, Advogados noo Agentes Justiça sira seluk.

Ba loron dahuluk, 23 de Junho de 2014, 11.00 oras Portugal, Vice Ministru Justiça, Ivo Valente hamutuk ho Assessor Dr. João Gonsalves, akompanhado husi Embaixadora Timor – Leste iha Portugal Sra. Maria Paixão da Costa, halao vizita kurtizia. Sorumutu formal ho Ministra da Justiça Portugal Dra. Paula Teixeira da Cruz. Biban ida ne mos Vice Ministro Justiça Ivo Valente, akresenta objectivo pricipal husi vizita ida ne, atu hametin no kontinua koperasaun entre Sektor Justiça Portugal nian ho Timor-Leste, liu liu iha area sira hanesan, Policia Judiciaria, Tribunais, Procuradoria, Adgogados, no seluk seluk, iha okaziaun ne mos, Vice Ministru Justiça akresenta servisu foun nebe Timor - Leste persiza atensaun husi Portugal hanesan hanoin futuro atu hari Tribunal ba Adminnistrasaun e Fiskal iha Timor - Leste. Nune mos oinsa apoiu atu fo formasaun ba Juizes sira no agentes justiça seluk konaba funsionamentu ba sentru rehabilitasaun joven ka labarik nebe konflitu ho Lei. Kapasitasuan ba agentes prizaun no agentes justiça sai nudar topiku prinsipal iha sorumutu ba dahuluk ida nee.

Iha oras 15:00 oras Portugal, Vice Ministru Justiça Ivo Valente, hamutuk ho Assessor Dr. João Gonsalves, akompanha primeiro Sekretario Embaixada Sr. Julio Martins, Adido Edukasaun Dr. Ancelmo Aparicio, Adido Komercio Industri Dr. Victor Tavares, Dr. Jose Amaral, halao vizita ba Instituto dos Registo Notariado (Vise Presidente Dr. José Ascenso Nunes da Maia), koalia konaba servisu notariado, sistema passaporte chip nebe halao ona iha paiz ne, Vise Ministro Justiça mos atu hare besik sistema servisu atu bele implementa iha Timor – Leste.

Oras 16:35, Vice Ministru Justiça, Ivo Valente halao reuniaun kurtizia hamutuk ho Directora Geral da Politica de Justiça (DGPJ), Directora Dra. Susana Antas Videira, iha reuniaun ne koalia barak ba propriedades ba lei terras ka desputa rai nebe la necessario atu mosu problema iha povu nia let, tamba problema terras, problema ida nebe povu Timor - Leste hasoru hela, no mekanismu ba resolusaun sira konaba disputa rai nian.