MINISTRA Justisa, Lúcia Maria Brandão Freitas Lobato kinta (1/7) foin lalais ne’e assina akordu kontratu arrendamentu ho grupo balibo five (5) iha gabinete ministra justisa nian.

Kontratu ba arrenamentu ne’e sei halao iha fatin ne’ebé sai hitorika ba TL nia independensia ne’ebé iha Balibo Distritu Bobonaru. Sira halo arrendamentu ba fatin ne’e tanba sira halral atu jere fatin refere hodi sai hanesan fatin treinamentu ba timor oan sira.

Nune’e gupo ne’e mos sei fo apoiu orsamentu ba timor oan sira ne’ebé mak presiza tebes sira nia apoiu, Dehan ministra.

Tuir ministra obra ne’ebé harí ona sira sei la muda, tanba sira sei hadia tan deit hodi halo Quest House nune’e wanhira atu halo vizita ruma ba Balibo bele haree fatin tuma ne’ebé iha ona.

Renda ne’ebé sira assina, tuir Ministra hanesan simbolu deit, tanba sira selu duni renda kada fulan ho US$ 5,00 (dollares amerikanu lima-red), tanba sira uza fatin ne’e hodi fo apoiu humanitario e lalos uza ba halo negosio.

Durante ne’e fatin refere la utilija ho ida ne’e tuir ministara, duke hosik fatin historiku ne’e sai hanesan fatin ne’ebé abandonadu entaun governu assina kontratu ho sira atu sira bele jere fatin historiku ne’e sai diak.

Wainhira grupo Balibo 5 project ne’ebé mai hosi Australia ne’e mak hetan rendementu ruma hosi Quest House ne’e osan ne’e sira sei uza hodi fo apoiu humanitarian ba komunidade sira iha fatin refere liu-liu ba ONG local sira ne’ebé mak iha fatin ne’ebá.

Rai ne’ebé uza hodi halo uma haat ba fatin historiku balibo five ne’e ho nia luan 4423 m2, ne’ebé uza hodi harí uma ho nia medida 307 m2. Nune’e durasaun ba kontratu arrendamentu ne’e tuir ministra tinan 15 to’o tinan 25, dehan ministra.

Ministra salienta liutan katak, kustu ba obra ne’ebé mak sira atu halo ne’e sei mai hosi grupo Balibo Five Project ne’e rasik.

Iha fatin hanesan nudar arrendador Reprezentante ba Balibo House Trust, Steve Bracks hateten nia sinte kuntente tanba governu iha laran luak bele assina akordu kontratu ba arrendamentu hodi fo aluga fatin historiku balibo Five ne’ebé iha Balibo, Distritu Bobonaro.*

Ananias Babo Horta
Media Officer Gabinete Ministra Justisa