DiliDili-Ministru Justica,Dionisio Babo akompania husi Diritur DNAJL Nelinho Vital no Diretora DNRN Maria Fatima akompania Ministru Justica,halo aprezentasaun Proposta Lei Kodigu Registu Sivil ne’ebe agora dadaun halo hela konsultasaun ba publiku ba entidade hotu hanesan hanesan Autoridade local,Relijouza sosiadae sivil,estudante akademiku no sira seluk tan hodi hetan submisaun no hanoin balu kona ba proposta lei kodigu Registu Sivil,aprezentasaun proposta lei Kodigu Registu Sivil hala’o iha edifisu DNRT Bebora Dili,Segunda (30/06)
Tuir Ministro Justica,Dionisio Babo iha aprezentasaun ne’e hateten katak ohin hanesan loron primeiru hodi loke ofisialmente lansa konsulta publiku konaba lei Kódigu Rejistu Sivíl (KRS) hodi regula direitu individual liu iha vida sivil,ne’ebé sai razaun ba estadu nia aktividade sasá deit.

“Lei Kodigu Registo Sivil lei foun ne’ebe koalia kona ba material sira be numeru iha leten ho rohan atu regula rejistu kona ba faktu hotu-hotu iha vida sivil nian hodi garantia atu ezerse direitu kona ba dignidade hodi ezerse direitu umanu sira,estatika estadu nian kona ba ema individual sira nia vida sivil ,publisidade ba faktu sira ne’ebe rejista tiha,dadus sira ne’ebe presiza hodi halo indentifikasaun sivil ba sidadaun sira” Dehan Ministro Justica,hafoin halo aprezentasaun.
Ministro Justica,mos informa tan katak iha proposta lei kodigu registu sivil nia mos iha nia prinsipiu mos hanesan legalidade sei registu aktu sira ne’ebe difine iha lei no haktuir ba lei,fe’ publika registal nian faktu sira ne’ebe halo tiha registu konsidera haela nu’udar lolos legal to’o banhira deit iha prova ne’ebe dehan katak faktu sire ne’e sala.
“Ita hotu hatene katak lei Kodigu Registu Sivil koalia konaba kazamentu, ema moris no ema mate. Maibe to’o agora ita sidauk iha Kodigu Registu Sivil atu bele akomoda buat hirak ne’e hotu, ” Informa Ministru

MJ mos salienta tan banhria lei ne’e la implementa mak nasaun sei hasoru problema bo’ot, mais ho lei refere bele regula atu ema ne’ebé kaben iha relijaun katoliku tenki halo tuir duni relijaun katoliku, nune’e mos ba relizaun sira seluk. Banhira ema nain rua kuandu hamutuk tuir kazamentu sivil hanesan kontratu ida katak moris hamutuk atu iha oan,Maibe kuandu sira nain rua fahe malu persija lei ruma atu regula Ita hatene agora ema barak mak la moris hamutuk entaun ida ne’e mos tama hotu iha lei ne’e.
rajaun halo lei Kodigu Registu Sivil ne’e tanba iha lei kodigu sivil agora rekuinese deit kazamentu tolu mak hanesan kasamentu katoliku, Barlakeadu no kazamentu sivil. Entaun difisil ba traskrisaun ba kazamentu ne’ebé laos katoliku ba registu sivil. Tan ne’e ho lei Kodigu Registu Sivil nia ejistensia atu kompleta buat hirak ne’ebé la kompleta iha lei kodigu sivil. Tuir planu prosesu konsulta publiku ba lei Kodigu Registu Sivil sei kontinua halao iha teritoriu Timor Laran tomak.
Konsulta publiku ba proposta lei ne’e sei hal’ao durante fulan ida nia laran molok atu aprezenta ba Konselhu Ministro,ho ida ne’e husu ba publiku atu bele fo komentariu,opiniaun ka sujestaun ruma kona ba proposta lei refere bele liu husi email nvital@mj.gov.tl emariza@mj.gov.tl borome68@gamail.com ou bele mos haruka diretamente ba Gabinete Ministro Justica (GMJ) nian iha Caicoli Dili.
Atu bele hatene diak liu tan kona ba proposta lei refere bele hare iha Website http://www.mj.gov.tl/?q=codigo_do_registo_civil-versao_para_consulta_pub...