Pontu Fokál Ministériu Justisa, Sr. António Verdial de Sousa hato’o relatóriu atividade konferénsia Pre-Deskonsentrasaun Administrativa ba Ministériu Justisa, Sr. Dionísio Babo Soares, Ph.D iha ninia servisu fatin iha loron Sesta-feira data 13 fulan Juñu tinan 2014.

Hafoin hasoru malu ho Ministru Justisa, Verdial hateten ” bazeia ba konferénsia durante loron rua hodi Hanoin Klean kona-ba Pré-Deskonsentrasaun Administrativa iha Seitór Justisa, Dezafius no Oportunidade ne’ebé halaó tiha ona iha fulan kotuk.

Ohin hau (Verdial) ho ekipa mai hasoru malu hó S.E. Ministru hodi aprezenta rezultadu kona-ba konferénsia ne’e. Nu’udar reprezentante Ministériu Justisa ne’ebé halaó funsaun iha Grupu Tékniku Traballu Inter-Ministerial (GTTIM) prontu simu orden husi S.E. Ministru hodi ezekuta.”

Nu’udar Pontu Fokál Ministériu Justisa buka esforsu hodi halaó koordenasaun, kooperasaun, hamosu relasaun amizade ho Pontu Fokál Inter-Ministérial sira seluk no servisu hamutuk hodi partilla efetiva no sustentavel hó objetivu asegura polítika Governu Konstitusional da-Lima iha ninian prosesu dezenvolvimentu ba asuntu polítika Pré-Deskonsentrasaun administrativa.

João Maupelo da Costa
Pontu Fokál Ministériu Justisa