Oe-Cusse-Ministro Justica,Dionisio Babo halo reiniaun ho Funsionariu Diresaun Nasional Terras e Propridade (DNTP) Distrito Oe-Cusse hodi up date kona ba prosesu indentifikasaun ba rai ne’ebe afetadu ba Projeitu ZEEMS.
Reiniaun kordenasaun entre Ministerial ne’e kompostu husi Ministeriu Justica,Ministeriu Obras Public,Ministeriu Turismu,Ministeriu Agricultura,Ministeriu Estatal, relasiona ho politika V governu nian ba projeitu ZEEMS ne’ebe hal’ao iha Distrito Oe-Cusse.
Iha reiniaun ne’e Ministro Justica,Dionisio Babo informa katak reiniaun ida ne’e hala’o bazeia ba reiniaun Konselhu Ministro Extra Ordinariu ne’ebe halo iha 24 April fulan kotuk kona ba prosesu indentifikasaun ba komunidade nia rai ne’ebe afetadu ba projeitu ZEEMS ne’e.

“Reiniaun ida ne’e atu up date kona ba prosesu indentifikasaun ba komunidade nia rai ne’ebe afetadu ba projeitu ZEEMS, kuandu projeitu ZEEMS ne’e atu lao diak,Diresaun Nasioal Terras e Propridade mos tenke lao mais ita la la’o Projeitu ne’e mos sei la lao”Dehan Ministro Justica,Dionisio Babo hafoin halo reiniaun ho Funsionariu DNTP Oe-Cusse Quinta Feira (7/06)
MJ mos informa mos katak Ministeriu Justica,liu husi Diresaun Nasional Terras e Propridade (DNTP) atu prepara ona relatoriu ida kona ba progresu indentifikasaun ba rai ne’ebe afetadu ba projeitu ne’e hodi aprezenta ba Primeiru Ministro,no ba Gabinete ZEEMS ne’e.
Iha fatin seluk Direitor DNTP Oe-Cusse Julio Coe mos informa katak progresu ba indentifikasaun ba propridade ne’ebe afetadu ba projetu ZEEMS ne’e,durante ne’e DNTP Oe-Cusse prepara ona mapa kampo,DNTP halo kordenasaun ho Ministeriu Obras Publico,halo indentifikasaun ba rai ne’ebe afetadu ba Estrada, electrisidade,no sira seluk tan
“Durante ne’e ami halo ona kordenasaun ho Ministeriu ne’ebe relavante liu-liu ba projeitu ZEEMS ne’e ,e agora dadaun husi Parte DNTP prepara ona relatoriu liu-liu ba progresu indentifikasuan ba rai ne’ebe afetadu ba projeitu refere”dehan Direitur DNTP Julio Coe