Dili-Ministeriu Justica,Liu husi Sekretario Estado Terras e Propridade (SETP) servisu hamotuk ho Organizasaun Sosiadade Sivil, organiza Diaologu Nasional kona ba Direitu ba Rai,Dialogu ne’e hal’ao iha Edifisiu Sekretariu Estado Terras e Propridade (SETP) Bebora Dili Kuinta (29/5)
Iha abertura ne’e Ministro Justica,Dionisio Babo hateten katak Ministerio Justica,liu husi Sekretariu Estado Terras e Propridade agradese tebes ba koloborasaun Sosiadade sivil sira nia ne’ebe diak tebes hodi realiza dialogu ne’e iha kontekstu kona ba Direitu ba rai,ida ne’e pasu pozitivu tebes hodi tur hamtouk hodi diskuti liu-liu kona ba direitu ba rai nia.
“Agradese tebes ba ba sosiadade sivil sira ne’ebe iha intensaun ne’ebe diak hodi servisu hamotuk ho SETP organiza Diaologu ida ne’e hodi diskuti kona ba problema ne’ebe akontese iha paiz ida ne’e liu-liu kona ba Direitu ba rai,ida ne’e hanesan dalan ne’ebe diak atu bele resolve problema ne’ebe sempre akontese iha ita nia povu”Dehan Ministro Justica,Dionsio Babo

Mj informa mos katak problema rai sai hanesan problema nasional ne’ebe to’o ona tempu atu bele diskuti atu nune labele rai hela problema ne’e ba ita nia jerasaun oin mai,maibe agora ita presija atu loke dialogu hanesan ne’e hodi diskuti ona,uniku liu husi dalan dialogu mak bele fo solusaun ba problema ne’ebe sempre akontese entre ita nia komunidade sira.
Dialogu ne’e hetan partisipasaun masimu husi Ministro Justica,Dionsio Babo,Sekretariu Estado Terras e Propridade,Jaime Xavier,Deputadu Aniceto Guteres, sosiadade sivil,autoridade local,no funsionariu husi tomak husi SETP.

Dialogu ne’e realize servisu hamotuk entre Ministerio Justica,liu husi Sekretariu Estado Terras e Propridade servisu hamotuk ho parseiro internasional no ONG Lokal sira hanesan Uniaun Europeia,NGO Forum (FONGTIlL),Search For Commong Ground