Lautem, Sub – Distritu Luro, Vise Ministru Justiça, Ivo Valente akompanha Director DNDHC Dr. Celito Cardoso , representante DNRN Sr. Amaro Martins, hamutuk ho autoridade lokal, partisipantes komunidade husi suku 6 iha Sub – Distritu Luro, Lautem, divulgasaun nee ba dala rua husi Nitibe Oe-cusse no ho Luro, Lautem, hetan apoiu husi NGO internasional UNDP.

Intervensaun Vise Ministru Justiça, Ivo Valente sublinha importansia ba divulgasaun leis inklui konesimentu husi komunidade ba futuro legislasaun ba rai no propriedade, nebe iha prosesu aprovasaun.

Explika mos konaba proposta/possibilidade futuro lei sira ba rai iha Timor – Leste, nebe tuir realidade prepara ona projecto de lei ba regulariza assuntus konaba direitu ba rai iha pakote/proposta 3 nebe halão ona iha IV governu konstitusional.

Transmiti mos konteudo principal lubuk ida ba komunidade, no husu ba komunidade atu evita disputa rai nebe la nessesario atu mosu.

Sosializasaun ida ne hanesan edukasaun ba povu atu bele hatene legislasaun ba rai no propriedade nebe vigor ona iha Timor – Leste, atu bele transmiti ba maluk sira nebe la partisipa sorumutu ida nee.

Vise MJ, Ivo Valente fokal barak liu ba komunidade sira konaba VIOLENSIA DOMESTIKA ba povu Luro nebe iha presentagem bot, atu hapara violensia domestika no respeito feto no tau AS feto nia dignidade.

Chefe departementu registo kriminal, representante DNRN Sr. Amaro Martins, explika konaba importansia uza passaporte 4 iha Timor - Leste, fo hatene ba komunidade sira bele hakat ba trata Bilhete Identidade (BI), iha dirasaun notariado Dili, hodi halo prosesu ka trata dokumentus nebe legal, sira nebe seidauk iha.

Sorumutu nee, termina ho agenda pergunta no hataan, nebe mosu pergunta barak liu konaba direitu ba rai no solusaun ba disputas sira, husu mos ba estado atu bele tau PLAKA ba rai nebe identifika rai ESTADO nian.

Komunidade luro mos husu ba estado atu kria lei ba Violensia Domestika tamba povu luro halo krimi ba feto nebe AS.

Antes atu taka sorumutu nee, Vise Ministru Justiça, Ivo Valente fo nia agradesimentu ba povu Luro nebe fo nia kbiit mai partisipa sorumutu ida nee, no ho nia mensagem ba povu Luro buat nebe ita bot sira rona bele hatóo ba maun alin sira nebe la partisipa iha evento ida nee.

Vise Ministru Justiça, Ivo Valente, ho nia komutiva antes fila ba Moro husi Luro almoso hamutuk ho povu sira iha Luro, fila mai Moro 16:15 lokraik,29/05/2014.