Dili-Ministerio da Justica,Liu husi Komisaun Direitu Labarik (KDL) realize serimonia selebrasaun loron mundia ba direitu labarik nia iha Distritu Ermera ho nia tema “hamotuk hapra Violensia no Explorasaun Ekonomia ba Labarik” serimonia ne’e hetan partispa masimu husi labarik estudante husi ensino primaria to’o Secundaria,iha Distrito Ermera tomak.
Iha Diskursu Ministro Justica,Dionisio Babo hateten katak Loron ba labarik sai hanesan loron especial ba labarik sira iha mundu tomak inkului Timor Leste,hal’ao komemorasaun hanesan meus estadu nian hodi fo valorizasaun ba labarik sira nia direitu,konfrensia mundial ne’ebe halao iha Jenebra hdoi deklra kona ba direitur labarik nian iha tinan 1924 no adopta ona husi Nasoens Unidadas.

“Deklarasaun ne’ebe hal’ao iha Nasoen Unidas hodi deklara katk loron dia 1 de Junu sai hanesan loron mundial ba labarik sira,e Estado Timor Leste hanesan Membru husi Nasoen Unidas nian ne’ebe hatudu ona kompromisu ratifika konvensaun kona ba Direitu labarik nian ha tinan 2002”dehan Ministro Justica,Dionisio Babo iha Gleno Domingo (1/06)
Eis Komisariu CVA ne’e mos informa tan katak Situasaun ne’ebe ohin loron akontese iha ita nia nasaun rasik no sai hanesan dezafiu barak hanesan fenomena social ba labarik sira nia direitu hanesan labarik sira iha dalan,trabaldor infantile,insestu ba labarik,labarik la eskola,no sira seluk.

“Governu liu husi Inter-Ministerial hodi asegura nia implementasun diak mak iha tinan 2009 IV Governu Konstituisonal Timor Leste hari Komisaun Nasional Direitu ba Labarik (KNDL) ne’ebe hamrik iha Ministerio Justica nia mahon hodi fo atensaun no promove hodi salvaguarda labarik sira nia direitu”Dehan Eis Komisariu CVA
Iha serimonia komemorasun ne’e mos ekipa Komisaun Direitu Labarik (KDL) mos organiza sertame ba escola oan sira kompostu husi Primaria to’o Secundaria,hafoin ha’lao serimonia ne’e Ministro Justica Dionisio Babo intrega mos premiu ba manan nain sira,e iha mos premiu rotativu ne’ebe manan husi Escola Secundario Nino Conis Santa.