Dili- Formador Kaptaun Forca Defeza Timor Leste F-FDTL Agostinho Pinto ne’ebe durante ne’e fo formasaun fiziku ba Guarda Prizonal sira iha INAP durante fulan rua nia laran Segunda feira ne’e intrega Documentus avaliasaun fiziku ba guarda Prizonal sira ne’ebe durante ne’e tuir formasaun hodi aumenta konhesementu intermus de fiziku.
Avaliasaun ida ne’e nudar instrumentu ida ba prosesu re kualifikasaun ba guarda prizonal tuir artigo 41 dekretu lei No 10/2012 kona ba kareira especial no estatutu guarda prizonal nian.
Tuir Formador Kapitaun F-FDTL Agostinho Pinto hateten katak durante ne’e ami fo formasaun ba guarda prizonal sira hodi hasae tan sira nia konhesementu liu-liu sira nia fiziku tamba sira presija tebes treinamentu ne’e, karik mosu buat ruma iha prizaun sira mos bele atua ho professional.
“ohin hau mai aprezenta rejultadu avaliasaun fiziku ne’ebe, durante ne’e ami halo ba guarda prizonal sira iha formasaun iha INAP,e ami mos rekomenda ba Sua Ex Ministro

Justica iha guarda prizonal balun ne’ebe iha formasaun laran hatudu sira nia komportamentu no rejultadu ne’ebe diak ami rekomena para aban bain rua sira mak bele sai formador fali hodi fo treinamentu ba guarda sira seluk iha futuru”dehan Kaptaun F-FDTL Pinto.
Hafoin seimu rejultadu avaliasaun husi Formador ne’e Ministro Justica,Dionisio Babo apresia no fo parabens ba formador liu-liu instituisaun F-FDTL ne’ebe iha intrese bo’ot hodi kopera hamotuk ho Ministerio Justica hodi fo formasaun fiziku ba Guarda Prizonal sira durante ne’e.
“Hau (MJ) fo parabens ba ita ne’ebe durante ne’e fo formasaun ba Guarda sira hodi hasae sira nia konhesementu intermesu de fiziku tamba guarda sira tenke iha mentalidade hanesan mos militar”Dehan Ministro
Reiniaun ne’e hala’ao iha Gabinete Ministro Caicoli Dili Segunda Feira (26/26) akompania husi Direitor DNSPR Helder Cosme Marcal Belo.