DILI-Ministru Justica,Dionisio Babo ho nia komitiva kompostu husi Direitor Nasional Registo Notariado (DNRN) Maria Do,R Fatima Direitur Nasional DNDHC Celito Cardosu akompania husi Adminstrado Distrito Baucau Antonio Guterres no Komadante PNTL Distrito Baucau halo divulgasaun lei no 3/2003,lei Pakote de Terras,Lei Nasionalidade e Registu Sivil,Lei Protesaun ba Testemuna nu 2/2009 ba komunidade iha Sub-Distritu Baguia Distrito Bauca Sexta (23/05).
Tuir Direitur Diresaun Nasional Direitus Humanus e Cidadania (DNDHC) Celito Cardosu hateten katak objektivu divulgasaun ida ne’e atu rona direitamente difikuldade saida mak durante ne’e ita bo’ot sira hasoru e mos atu divulga ita nia lei ne’ebe vigora ona iha ita nia rai doben ida ne’e tamba ne’e ohin ami mai hamotuk ho Ministru Justica hodi rona direitamentu prekupasaun no difikuldade saida mak durante ne’e ita bo’ot sira hasoru .

“objektivu divulgasaun ida ne’e inportante tebes hodi rona direitamente prekupasaun saida mak ita boot sira hasoru durante ne’e govenru atrabes Ministeriu Justica atu diskuti ne’ebe ita bo’t sira iha no saida mak ita lei difini direitu no dever nudar sidadaun iha paiz ida ne’e”Dehan Direitur Celito Cardosu
Tuir Ministru Justica,Dionisio Babo hateten katak divulgasaun ida ne’e inportante tebes liu-liu ba inan aman sira atu hatene no komprede liu-liu nudar sidadaun presija atu hatene kelean kona ba ita lei ne’ebe vigora iha ita nia nasaun tamba dala barak ema hotu-hotu ejiji deit nai direitu maibe haluha tea nia dever nudar sidadaun ida,tamba ne’e governu liu husi Ministeriu Justica iha diresaun DNDHC atu divulga informasaun liu-liu kona ba lei ba ita nia sidadaun sira hodi hatene.
“Agradese tebes ba komundade sira hotu-hotu liu-liu atutoridade local sira hotu ne’ebe mak ohin marka prezensa iha divulgasaun lei ida ne’e tamba ne’e Governu liu husi Ministeriu Justica iha dever atu divulga lei ne’ebe ita nia nain ulun sira aprova ona,la iha governu ida mak halo lei atu estaga fali nia povu maibe iha lei ne’e mos kuandu ita lao tuir lei,lei ne’e sei proteje ita maibe kuandu ita lao la tuir lei,lei ne’e rasik sei kondena fali ita”Dehan Ministru Justica,Dionisio Babo
Iha divulgasaun ne’e Direitora Diresaun Registo Notariadu (DNRN) Maria do Rosario Fatima aprezenta nia material kona ba lei Nasionalidade no Registo Sivil,ba komundiade sira,

Iha fatin seluk komundade Distritu Baucau,Sub-Distrito Baguia Martino Sequera mos informa katak ami sente kontenti tebes ho program ne’e tamba dala barak ami povu sei dauk hatene ita nia lei nebe vigora iha Timor Leste tamba ne’e ho divulgasuan ida ne’e bele fasilita ami hodi komprende ita nia lei ne’ebe ita iha,
“ami rekomenda mos ba governu liu husi Ministeriu Justica,liu-liu diresaun DNRN atu loke mos registo ba Certidaun RDTL iha ami nia Sub-Distritu Baguia tamba durante ne’e ami atu hetan Certadun RDTL tenke la’o ba to’o iha Baucau tamba ne’e liu husi oportonidade ida ne’e ami rekomenda ba Sua Ex Ministru Justica ho nia komitiva tomak atu hare tok ba ami nia prekupasuan ne’e”Dehan Martino
Hatan ba kestaun ne’e Direitora Nasional Registo Notariadu Maria do Rosario Fatima hateten Ministeriu Justica,liu husi DNRN agora dadaun servisu hamotuk ona ho sentru Saude iha Teritoria Timor Leste tomak liu-liu ba inan feton sira ne’be partus bebe oan sira bele hetan ona Sertidaun RDTL,maibe ami sei tenta atu para atu bele fasilita komunidade sira.