Dili-Ministru Justica,Dionisio Babo akompania husi Vice Ministru Justica,Ivo Valente halo reiniaun ho reprezentante UNICEF hodi koalia liu kona ba preparasaun Vizita ne’ebe kompostu husi Vice Ministru Justica,Ivo Valente,Direitur DNSPRS Helder Cosme Marcal,Juiz Tribunal Recursu Deolindo do Santos,Ministeriu Solidaridade Sosial Florentina Pina Diaz,Reprezentante Unicef Gizela Moniz da Silva,Procuradoria Distrital Dili,Ivonia Maria de Jesus ba Nova Zelandia hodi hare liu kona ba justica juvinil iha nasaun refere,reiniaun ne’e hala’o iha Gabinete Minsitru Justica,Quarta Feira (14/05)

Tuir Ministru Justica,Dionisio Babo hateten katak Organizasaun internasional UNICEF ne’ebe durante ne’e sempre fo apoiu ba makas ba Timor Leste liu-liu fo protesaun ba direitu Labarik iha Timor Leste,tamba ne’e governu liu husi Ministeriu Justica,sempre kolobora hamotuk atu oinsa mak hodi bele fo protesaun ba direitu labarik nian iha Timor Leste,
“Ita hotu hatene katak Labarik mak sai hanesan futuru nasaun nian tamba ne’e governu liu husi Minsiteriu Justica servisu hamotuk ho Organizasaun Internasional UNICEF ne’ebe durante ne’e fo apoiu makas ba Timor Leste liu-liu ba Direitu labarik iha Timor Leste,atu halo vizita de trabalhu ba iha Nova Zelandia hodi hare liu justica Juvinil iha Nasaun refere hodi sai hanesan refrensia ba Timor Leste”Dehan Ministru Justica,Dionisio Babo
MJ mos salienta tan katak Timor Leste hanesan nasaun foun presija halo estudu ba nasaun sira seluk hodi sai hanesan refrensia,maibe ita tenke lao tuir realidade saida mak akontese iha Timor Leste
Tuir ajenda delegasaun ne’ebe Chefia husi Vice Ministru Justica,Ivo Valente sei halo vizita iha Nova Zelandia durante loron 9 hahu husi 17 de Maio ate 25 de Maio.