DILI-Primeiru Ministru Kay Rala Xanana Gusmaó konsidera Seitor Justica sei menus tebes rekursu Humanus tamba neé Governu tau nafatin prioridade hodi aumenta tan rekurusu humanus iha seitor justica nian iha Timor Leste.
“ Ita hakarak rejolve problema hotu-hotu iha timor, liu-liu iha seitor Justisa ninian ita ladun kumpri tamba neé governu tau nafatin prioridade ba kapasitasaun rekursu Humanus nian iha Timor Leste, “ dehan Primeiru Ministru Kay Rala Xanana Gusmao liu husi Diskursu Waihira Partisipa iha Seremonia tomada de pose komisaria Komisaun Labarik nebe halao iha palasiu governu.
Hatn ba kestaun neé Ministru Justisa Dioniso Babo hatete, Ministeriu Jusisa oras nee’e halao hela serivisu hodi Hasae Kapasidade Rekurusu Umanu iha seitor justica nian liu husi Centru Formasaun Juridico (CFJ) hodi aumenta tan rekursu humanus..
“ ami halao servisu hanesan formasaun ba iha magislatura nee’e lao nafatin formasaun nebe mak lao ho regiroju tebes hodi garantia nia kualidade,” dehan Ministru Justica,Dionisio Babo.

Eis Komisariu CVA neé mos esplika tan katak sidadaun Timor oan neébe mak tama iha Centru Formasaun Juridico liu husi teste ida neébe regiroju tebes molok atu tuir formasuan, tamba ema nebe mak atu sai juiz atu tesi lia labele juiz nebe mak arbiru, naran ba tuir treinamentu tinan rua sai kedas juis hodi foti desizaun nee’e labele.
“ Atu sai Juiz tenki ema ida nebe mak maduro teb-tebes, tenki ema ida nebe mak iha talentu durante iha formasaun hare husi pasidade, Primeiru Ministru nia konsiderasaun hanesan ne’e ita tenki halao servisu nafatin,” Esplika Babo.
MJ mos salienta tan katak parte Justisa lao neineik maibe bei-beik, oras nee’e Juiz Timor oan barak mak iha kualidade diak no balun foin tama nebe sei parende no iha balun sei iha formasaun tan nee’e timor oan nebe hakarak atu tama bele buka informasaun iha sentru formasaun juridiku.