DILI-Ministru Justica,Dionisio Babo,Vice Ministru Justica,Ivo Valente Akompania Primeiru Ministru Xanana Gusmáo fo posse ba Komisaria Direitu Labarik (KDL) foun hodi troka Eis Komisaria Adalgisa Ximenes,tomada de posse neé haláo iha Palacio do Governu Segunda Feira (28/04)
Tuir Primeiru Ministru Kay Rala Xanana Gusmao iha diskurusu hateten,katak dazafiu no problema foun nebe mak iha institusaun estadu hotu-hotu tenki buka Azusta nia Aan.
“ Estadu tomak tenki buka Hakaas Aan atu proteze labarik sira,nian direitu ” dehan Primeiru Ministru Kay Rala Xanana gusmao.

Xanana Esplika katak governu Hakarak iha netik komitmentu hodi halo komprimisiu atu nune bele kumpri organu estadu nian atu proteje labarik sira, tamba sosiedade komesa dezemvolve Aan dadaun maske iha dazefiu no problema foun nebe sempre mosu.
“ ita nia dazafiu no problema foun sira nee’e mak intitusaun estadu tenki buka ajusta nia solusaun, ita hakarak rezolvep roblema hotu-hotu liu-liu iha seitor Justisa ninian ita kuandu kumpri, dehan Xanana.
Xanana husu ba Komisariu komisaun Labarik nee’e atu servisu hamutuk ho Sosiedade Sivil, Relijioju inkliu mos institusaun relevante nebe halao servisu atu proteje labarik sira nia direitu iha nasaun Timor Leste.

Tuir Ministru Justisa Dionisio Babo hateten katak Governu liu husi Komisaun Nasional Direitu Labarik neébe tutela iha Ministeriu Justica nian mahon fo importansia atu fo protesaun ba direitu labarik nian komesa husi uma laran too labarik sai ba iha sosiedade nia let Importante tebes estadu atu tau matan tamba labaraik mak sai futuru nasaun ninian.
“ Labarik sira sai hanesan futuru ba nasuan tamba neé governu liu husi Komisaun Nasional Direitu Labarik neébe agora dadaun tutela iha Ministeriu Justica nia laran durante neé halo esforsu makas hodi proteje direitu labarik nian, liu-liu ba labarik sira neébe servisu iha lorun, labarik nebe halao servisu iha tinan kiik labele, tan nee’e liu husi komisaria foun atu define didiak politika no tau iha forma eskrita hodi lori ba Konseilhu Ministru atu konsidera haneaan Konseilu labarik,” dehan Ministru Justica,Dionisio Babo Segunda (28/04/2014) hafoin partisipa Iha Seremonia Tomade de Pose Komisaria Komisaun Labarik iha Salaun palasiu governu.
MJ mos informa tan katak planu estratejiku iha tiha ona tan nee’e komisaria foun tenki formula didiak atu bele define kestaun nebe iha lori ba iha konseilu Ministru,hodi halo apresiasaun atu nune orsamentu nebe mak iha bele kumpri ho lolos.
Nune mos komisaria Komisaun direitu Labarik Maria Bareto hatete labarik sira nebe mak Faan Sasan iha Dalan ninin no mos faan sasan sai papel importante tebes tan nee’e sei indentidika sira nia problema ho lolos

“ ita sempre koalia labarik sira faan sasan iha dalan, labarik sira fase kareta iha dalan ninin maibe ita lahatene sira problema lolos, tan nee’e ita sei halo estudu klean hodi halo estratezia atu bele redus,” dehan Maria.
Partisipa iha Seremonia tomada depose Nee’e mai husi Diretor Defonsoria Publika Sergio Hornai, Prezidente Tribunal Rekursu Guelermino da Silva, Segundu Komandante PNTL KOmisariu Afunso de jesus, Reprezentante Ingreja, Sekretariu Estadu Asean Roberto Soares korpu Diplomatiku Nasional no Internasional.
Kintu Kovernu Konstitusional fo Pose ba Komisaria ba labarik Maria Gorulelo Bareto hodi troka Adalsiza Ximenes atu proteze labarik sira iha Timor Leste nebe halao servisu todan tamba lei Proteze labarik sira atu halo aktividade nebe todan.