Oe-Cusse Ministru Justica,Dionisio Babo Akompania Primeiru Ministru Xanana Gusmäo ho Eis Primeiru Ministru Mari Alkatiri no Membr Governu Tomak partisipa iha serimonia Ritual tuir Lisan Oe-Cusse nian molok atu implementa Progrma Zona Espesial Ekonomia Merkadu Sosial (ZEEMS) neébe iha Distritu Oe-Cusse,Serimonia Ritual neé halo iha Lifau Oe-Cusse Segunda Feira (21/04).

Hafoin remata iha serimonia Ritual neé Primeiru Minsitru Xanana Gusmáo halo dialogu ho Komunidade sira hodi aprezenta progrma ZEEMS ba komunidade Oe-Cusse e mos hodi rona mos prekupasaun husi komunidade sira relasiona ho programa ZEEMS neé.

Iha dialogu neé Eis Primeiru Ministru Mari Alkatiri hateten katak ohin ita haláo tea ona seimonia ritual hodi oho animal hanesan manu,fahi,bibi,no karau hatudu ona nia aten neé diak neé hatudu ona sinal katak diak.

iha fatin seluk Lia Nain Oe-Cusse Marcos Coa hateten katak ami sente orgolhu tebes tamba prezensa Primeiru Ministru Xanana Gusmáo ho Eis Primeiru Ministru Mari Alkatiri iha Distritu Oe-Cusse hodi mai partisipa iha ami nia serimonia ritual tuir ami nia lisan Oe-Cusse nian molok atu implementa programa ZEEMS neé.

“Ami mos Agrade ba Governu liu-liu ba Primeiru Ministru no eis Primeiru Ministru neébe iha hanoin diak hodi hili Distritu Oe-Cusse sai hanesan projeitu pilotu ba implementasaun Programa ZEEMS nia”Dehan Marcus Coa.