Gabinete Inspensaun Auditoria (GIA) Ministeriu Justica nian iha sexta feira neé loke worshop ida hodi aprezenta rejultadu auditoria ba DNSRP nia servisu durante neé,worshop neé halaó iha Centru Formasaun Juridico ( CFJ) Caicoli Dili (04/04)
Hafoin loke worshop neé Ministru Justica,Dionisio Babo iha abertura neé hateten katak worshop ida ohin inportante tebes ba Ministeriu Justica liu-liu DNSRPS tamba bele halo avaliasaun ba servisu neébe durante neé sira haláo e husi Gabinete Inspesaun Auditoria hodi aprezenta relatoriu ba rejultadu auditoria neébe durante neé GIA halo ba DNSPRS,
“Objektivu haláo worshop ida neé atu halo avaliasaun ba servisu Diresau Serviços Prisionais e de Reinserção Social (DNSPRS) nian e husi GIA mos aprezenta relatoriu neébe durante neé sira haláo auditoria ba Diresaun refere tamba neé husu ba Kargu Chefia sira atu akompania didiak worshop ida neé”dehan Ministru Justica,Dionisio Babo
Ministru mos informa tan katak agora dadaun mos atu tama ona ba pra kualifikasaun ba guarda sira tamba neé Guarda sira laos deit ba atu hein deit dadur iha Prizaun mais tenke kapasita aán no prepara a’n ho diak molok atu tama ba pra-kualifiaksaun neé.
Iha fatin seluk Direitru Serviços Prisionais e de Reinserção Social (DNSPRS) Helder Cosme Marcal Belo informa katak lori Diresaun Nia naran fo agradese ba GIA bele realiza worshop ida neé hodi bele hakbit no konsolida inistiuisaun estadu liu-liu mai ami nia Diresau.

“Ami agradese ba Gabinete Inspesaun Auditoria (GIA) neébe iha komitmentu boót hodi realiza worhsop ida ohin hodi halo avaliasaun ba ami nia servisu iha DNSPRS durante neé ”deham Helder.
Iha fatin hanesan mos Inspectur Jeral Henrique de Oliveira Ximenes mos hateten katak worshop ida neé ami realiza hodi aprezenta rejultadu ba investigasaun no auditoria ba Diresau Serviços Prisionais e de Reinserção Social (DNSPRS) bazeia ba Despasho Ministru Justica,nian e mos atu halo desamina informasaun ba kargu chefia sira.
Tuir planu GIA mos sei haláo Worshop ida iha Prizaun Becora ho Glenu hodi involve mos guarda prizaun sira iha worshop neé.