PASSABE-Sekretario Estadu Terras Proprioridade (SETP) Jaime Xavier Lopes iha kuarta 26 fulan-Marsu, 2014 hala’o senseblizasaun iha Sub-Distritu Passabe, Distritu Oecusse hodi husu ba komunidade sira labele prekupa ho baliza administrativu.

“Ha’u husu ba komunidade sira liu-liu ba komuidade sira ne’ebé maka iha fronteira atu labele prekupa ho baliza administrativu hanesan baliza nasaun nian, suku ho suku nune’e mós aldeia ho aldeia, tanba ne’e tanba baliza administrativu ne’e hosi Ministériu Administrasaun Estatal maka hatene, ha’u husu ba komunidade sira atu mantein nafatin baliza ne’ebé maka uluk iha tiha ona hodi labele mosu problema,” tenik Jaime.

Haree ba problema baliza administrative ne’e nia mós esplika ba komunidade sira katak, problema hanesan ne’e mostu tanba komunidade sira hosi suku A ba hela iha Suku B ka halo to’os ruma iha suku B nia laran entaun nia hateten baliza suku ne’e nian to’o ih ane’e tanba nia komunidade sira iha ne’ebá.

Bainhira iha problema hanesan ne’e komunidade sira ne’ebé hosi Suku A maibé nia muda ba hela iha Suku B nia tenki submete ba iha suku B la’ós lori fali suku A tama iha Suku B.
Hatan ba prekupasaun komunidade sira nian kona-ba sertifikadu portugés ho Indonesia nian Sekretáriu Estadu ne’e hateten, ba komnidade sira ne’ebé iha sertifikadu portugés no Indonesia nian atu rai hela hodi sai hanesan baze legal ida futuru hodi hatudu katak, rai ne’e partensia ba komunidade sira nian duni.

Iha biban ne’e Domingos Mala nudár Xefe Suku hateten, sertifikadu uluk nian sei vale ka lae no rai abandonadu ne’ebé na’in hosik hela sira sei iha direitu ba rai ne’ebé sira hosik hela ka lae.
Hanesan komunidade José Antonio Soares husu ba Terras Propriedade atu bele halo notifikasaun ba ema estranjeiru ne’ebé mai fa’an fali rai iha Timor-Leste inklui mós fó notifikasaun ba ema ne’ebé maka sosa rai privadu abandonadu.