Vise Ministru Justisa, Ivo Valente halo divulgasaun lei iha sub-distritu Nitibe distritu Oe-Kusi iha loron 14 fulan-Marsu 2014. Programa ne’e ho tema ,”Politika Governu Kona-ba Rai no Atribuisaun Titularidade Beins Imóves, lei Nasionálidade, Passa Fronteira no lei Protesaun ba Testamuña nú. 2/2009.” Vise Ministru Justisa, ivo Valente iha lia makloke hateten, ” importansia kona-ba divulgasaun leis inklui koñesimentu husi komunidade ba futuru lejislasaun ba rai no propriedade, ne’ebe sei iha prosesu aprovasaun nia laran.”
Programa divulgasaun ne’ebé partisipa husi komunidade sub-distritu Nitibe ne’e Vise Ministru reforsa liu tan “possibilidade iha futuru lei sira ba rai nia iha Timor-Leste, ne’ebé tuir realidade prepara ona projetu lei ba regulariza assuntus kona-ba direitu ba rai iha pokote/proposta 3 ne’ebe halao ona iha IV governu konstitusionál hanesan, 1. Lei Titularidade, 2. Lei Expropeções, 3. Lei Fundu Imobiliario.”
Iha fatin hanesan Diretór Nasionál Diresaun Nasionál Direitus Humanus no Sidadania, Celito Cardoso iha ne’ebé akompañadu Vise Ministru iha programa ne’e hateten ,” lei ne’e kolia kona-ba testamuña ema ne’ebé hare, hatene rasik, no bele mos kaer, liga mos ho kazu ida ne é, karik nia hetan intimidasoins ka amiasas ruma ne ‘e bele mos sai testamuña. Bele liu husi meius rua, ida bele liu husi Tribunal no Telekonfrensia, tanba ita boot nia seguransa sai inportante ba kazu ida ita boot sira hatene no hare kondisoins hau temi ne’e ita boot sira bele tau iha fatin seluk tribunal sei rona ou Juis sira maka sei rona deit ita nia lian ka bele mos hare deit ita nia oin husi telivisaun kiik ne’e Juis sira deit maka hatene no hare ba ida ne’e. “

Ema ne’ebé partisipa iha programa ne’e hanesan amu Parokia Nitibe, Beni Neu, SDB, Adjunto administrador Sub-distritu Nitibe Sr. Eurico Bobo, komandante PNTL, Sr. Inoçençio do Rosario hamutuk ho komunidade besik atus ida.
Núdar responsabel ba programa ne’e Diretór Nasionál Diresaun Nasionál Direitus Humanus no Sidadania, Celito Cardoso. Tuir planu programa hanesan sei halao iha fulan Abril ne’e iha sub-distritu Fatubiliku distritu Ainaro.

Carlos Goncalves Dias
Ofisiál Dokumentasaun DNDHC