Japaun-Ministru Justica Timor Leste,Dionisio Babo Soares hasoru malu ho Ministru Justica,Japaun Sadakazu Tanigaki hodi diskuti kona ba koperasaun bilateral neébe halaó durante neé entre Governu Timor Leste ho Governu Japaun liu husi Ministeriu Justica liu-liu iha Seitor Justica nian,enkontru neé haláo iha edifisiu Ministeriu Justica Japaun nian iha Tokyo Segunda Feira (24/03)

Tuir Ministru Justica Timor Leste,Dionisio Babo iha reiniaun neé fo apresiasaun ba Governu Japaun neébe durante tinan barak fo apoiu ba Governu Timor Leste iha Seitor oin-oin,liu-liu iha seitor Justica nian.

“Governu Japaun mos Konkorda katak area Justica sai hanesan area neébe inportante ida neé fundamental ba dezenvolvimentu tamba neé hakruk ba lei (respect the rule of law) tenke fo enfase makas hodi nasaun sira bele moris iha amibito demokrasia nia laran”Dehan Ministsru Justica,Dionisio Babo

Japaun durante ne ajuda ona timor leste iha area rekurusus humanos no mos iha area teknologia ho mos peritos hodi ajuda prepara esbosso lei balu nebe servisu ho Diresaun Nasional Asesoria e Legislacao (DNAJL) MJ.

MJ Timor Leste mos husu nafatin ajuda ba Governu Japaun atu bele fo Bolsa de estudo ba funsionariu Ministeru Justica nian atu mai estuda Mestradu iha area Internasional Comercial Law.tamba Timor Leste sei menus rekursu humanus iha area ida neé, e Timor Leste mos agora dadaun prepara aán hela atu tama ba membru ASEAN no mos involve makas ona iha area Komersiu Mundial.

Hafoin Ministru Justica Japaun Sadakazu Tanigaki rona tea Proposta neébe aprezenta husi Ministru Justica Timor Leste,MJ Japaun mos konkorda ho proposta neébe aprezenta husi MJ Timor Leste Dionisio Babo no Governu Japaun liu husi JICA atu bele alkansa objektivu hira neé iha futuru

.
Hafoin hasoru malu ho Ministru Justica Japaun,Ministru Justica,Dionisio Babo mos kontinua hasoru malu ho Vice Prezidente JICA nomos vizita ba Parlamentu Nasional Japaun nia hodi halo enkontru ho Membru Parlamentu sira neébe tama iha Japaun,(Timor Leste Parlament Friedship League) neébe lidera husi Deputadu Ken Natagani ho Membru Parlamentu lubuk ida neébe apoiu tebes Timor Leste.

Iha enkontru neé sira aborda kestaun barak sobre koperasaun ho apoiu neébe durante neé governu Japaun apoiu ba governu Timor Leste no sira promote atu apoiu nafatin Timor Leste iha futuru.

.
Ministro Justica Dionisio Babo Soares mos vizita Museu MIRAIKAN, museu ciencia e teknologia Japao nebe nudar mos museu teknologia moderno liu iha mundo hodi hare dezenvolvimento robot no mos experiencia Japaun nia astronaut sira nebe ba ona fulan.

iha loron 25-03-2014, MJ Dionisio Babo Soares sei hasoru malu ho presidente Tribunal Tokyo, Vive MInistro Negocious Estrangeiros SEIJI KIHARA no mos sei halo vizita de trabalho ba autoridades justica nian iha Tokyo.