Dili-Ministru Justisa,Dionisio Babo halo reiniaun ho Direitur Ministeriu Justisa nia tomak hodi up date malu kona ba ejekusaun Orsamentu Jeral Estadu ba tinan 2014 nian.

Iha reiniaun neé Ministru Justica,Dionisio Babo hateten katak Lei orsamentu ba tinan ida neé regiroju tebes tamba neé Direitur hotu-hotu iha ambitu Ministeriu Justisa nian tomak atu toma responsabilidade ba ejekusaun orsamentu ba kada Diresaun tuir Progarama neébe ita boót sira iha.

“Husu ba Direitur sira hotu atu ejekuta orsamentu neébe aloka ona ba ita boót sira nia diresaun ho diak e responsabilidade hodi ejekuta tuir programa neébe ita bo’ot sira planeadu ona”Dehan Ministru Justica,Dionisio Babo.

MJ mos informa tan katak ejekusaun orsamentu ba tinan 2014 ba Ministeriu hotu-hotu kada fulan tolu (3) tenke aprezenta ba iha Parlamentu Nasional kona ba ejekusaun orsamentu tuir duni ita nia programa ka lae,tamba neé ejiji ita hotu tenke toma atensaun ba iha ejekusaun neé.

Iha reiniaun neé mos Kada Diresaun hotu-hotu aprezenta mos sira nai programa ka atividade durante fulan tolu sira halo e mos aprezenta mos programa saida mak atu halo tan iha fualan tolu oin mai.
Iha reiniaun neé lidera husi Ministru Justica,Dionsio Babo,Direitor Nasional Ministeriu Justica,Fransisco Carserres,no Direitor Nasional tomak ambito Ministriu Justica.