Ministériu Justisa (MJ) liu husi Diresaun Nasionál ba Direitus Umanus no Sidadania (DNDHC) halo programa formasaun ba autoridade lokais hanesan profesoris, grupu feto, atoridade komunidade, Juventudi sira, relijioza no membru Polisia Nasionál Timor-Leste (PNTL) tuir tarjetu ema nain 40 maibe ne’ebé partisipa besik neen-nulu. iha sub-distritu Pasabe distritu Oe-kusi, iha loron 11 no 12 fulan Marsu 2014.

Programa ne’e halao bazea ba Planu Asaun Anuál (PAA) tinan 2014 ne’ebé planea ona, tinan ida ne’e Ministériu Justisa halao ninia programa iha distritu Oe-Kusi liu-liu hakbesik-an ba komunidade sira ne’ebé durante ne’e la asesu ba informasaun kona-ba direitus umanus no mós informaaun sira seluk ne’ebé relasaun ho dezemvolvementu, ne’ebé durante ne’e governu Timor-Leste halo.

Programa formasaun ne’e Sr. Celito Cardoso hanesan Diretór Diresaun Nasionál ba Direitus Umanus no Sidadania ne’ebé representa Ministru Justisa, iha abertura hateten,” aumenta tan Passu ida ba oin, hodi habelar tan programa treinamentu iha área rural. Treinamnetu Direitus Umanus ba komunidade iha área rural, hodi hasa’e konsensia no koñesementu sidadaun sira hodi respeita valór no prinsípiu Direitus Humanus”.

Programa ne’e partisipantes husi atoridade lokál suku Abani no Malelat ne’ebé total hamutuk besik nen-nulu tuir konvite ne’ebé determina ona. Programa hanesan tuir planu fulan oin sei halao iha sub-distritu Fatu-Builiko Distreitu Ainaro.
Atividade ne’e realiza tanba ministériu justisa servisu hamutuk ho Sekertaria Estadu Promosaun Igualidade (SEPI), Akademia PNTL, UNDP, UNWomen, no UADU-ONU.