MINISTRA Justisa liu hosi Tribunal Rekursu Segunda (10/5) foin lalais ne’e fo tomada de posse ba membru judisiariu nain 9 ne’ebé nain hat hanesan Juizes no nain lima hanesan defensor Públika iha Edifisiu Tribunal Recursu Dili.

Iha sermonia tomada de posse ne’ebé hetan partisipasaun husi Fin Riske Nielsen, Ministra Justisa, Vice Primeiru Ministru, José Luis Guterres Prezidente Republika, Vice Prezidente Parlamentu Nasional (PN), Prezidente Tribunal Recursu no Defensor publiku Jeral ne’e membru judisiariu nain 9 mak hetan tomada de posse hanesan juis de direitu nain hat no defensoria publiku estajiariu nain lima.

Juis nain hat (4) ne’e mak hanesan, Antonio José Fonseca Monteiro de Jesus, José Gonçalves Alvaro Maria Fritas, no Florencia Freitas hetan tomada de posse husi Prezidenti Tribunal Rekursu, Claudio Ximenes,
Iha fatin hanesan Estajiunariu ba Defensoria Publiku mak hanesan; Manuel Fernando Exposto,
Griprio Maria Lourdes de Lima, João Henrique de Carvalho, josé da Silva no Calistro Toto hetan tomada de posse husi Defensoria publiku Jeral, Sergio de Jesus Horai.

Remata tiha tomada de posse ba membru judisiariu nain 9 ne’e, Prezidente TR, Claudio Ximenes hateten, maske iha buat barak mak sei falta iha judisiariu nia laran maibe ho experensia ukun aan durante tinan sanulu ona hatudu katak timor oan rasik bele kaer ona judisiariu iha rai laran.

Claudio rekoñese katak, iha judisiariu nia laran iha buat barak ne’ebé presiza atu hadia no buat barak mak sei falta maibe husu atu juis sira bele foti desizaun no halo servisu tuir lei no konstituisaun haruka.

“Ita bele harí sistema judisiariu ida hotu kedas iha tinan 10 nia laran, iha buat barak ne’ebé TL tenki halo tan, ita iha juis ne’ebé bele servisu iha tribunal distrital maibe ita tenki prepara diak liu tan ita nia juizes ne’ebé tuir iha Tribunal Rekursu.” Dehan Claudio.

Tuir Claudio Tribunal Recusu tenki iha preparasaun kapasidade atu hadia desizaun ruma ne’ebé jusi iha tribunal distrital sala ruma no juis iha tribunal rekurusu la hatene hadia entaun labele laran metin ba tribunal.

Haree ba numeru hosi juizes ho Defensor ne’ebé oras ne’e foin mak iha nain 51 Minsitra Justisa, Lúcia Lobato hateten, iha tempu badak sei rekruta tan majestradus ba defensores publiku nune’e sei loke vaga hodi rekruta tan nain 21. nune’e mos iha tempu badak sei finaliza dokumentus no sei hahu formasaun iha tinan ne’e nia laran.

Hau sinte triste tanba, procuradores sira la hola parte iha seremonia importante ida ne’e, maibe antes ne’e procuradores sira mos halo tomada de posse maibe ema ida la hatene, nun’e mos tristi tanba tuir lolos sira halao tomada de posse ne’e hamutuk, mezmu Mezmu nune’e la hatudu atu hamenus konfiansa ba sira tomak,” dehan Minisrra Ministra salienta mos katak, sira ne’ebé foin hetan tomada de posse sei hetan tan estajiu durante tinan ida iha Tribunais, iha defensoria Públika hafoin sire bele halao sira nia knar lolos nudar juizes no defensores, tanba sira hetan ona formasaun durante tinan ida fulan ne’en iha Sentru Formasaun Juridiku, sira sei bele hodi hala’o sira nia knar tuir buat ne’ebé sira hetan.

Iha fatin haesam Defensoria Públika Geral, Sergio Hornai hateten, atu harí instituisaun ida presiza rekursu umanu ne’ebé sufsiente, ho situasaun sira hanesan ne’e komesa promove no dezenvolve instituisaun judisiariu no ema hotu hatene katak, Defensoria Públika nudár instituisaun esensial ida ne’ebé halao nia servisu espesialmente fo juridiku ba povu ne’ebé la iha ekonomikamente iha justisa.*

Ananias Babo Horta
Media officer Gabinete Ministra da Justisa
No Kontaktu :7348624
Email : ahorta@mj.gov.tl