Baoknana, Sub-distritu Nitibe, Oe-kusse, Vise Ministru Justisa Ivo Valente halo sorumutu ho komunidade sub-distritu Nitibe, aldeia Baoknana, iha intervensaun Vise Ministru Justisa sublinha importansia konaba divulgasaun leis inklui konesimentu husi komunidade ba futuro legislasaun ba rai no propriedade, nebe sei iha prosesu aprovasaun.

Explika mos konaba proposta/possibilidade futuro lei sira ba rai nia iha Timor-Leste, nebe tuir realidade prepara ona projectu de lei ba regulariza assuntus konaba dereitu ba rai iha pokote/proposta 3 nebe halao ona iha IV governu konstitusional hanesan, 1. Lei Titularidade, 2. Lei Expropeções, 3. Lei Fundo Imobiliario. Transmiti mos konteudo principal lubuk ida ba komunidade, no husu ba komunidade atu evita disputa rai nebe la nessesario atu mosu.

Direktora DNRN Dra. Fatima de Arauju, explika importansia uza passaporte/borde pass hodi passa flonteira Sitrana ba vizita familia etc, husi direktor DNDHC Dr. Celito Cardoso, explika konaba protesaun ba destamuña.

Sorumutu ne, termina ho agenda pergunta no hataan, nebe mosu pergunta barak liu konaba direitu ba rai no solusaun ba disputas sira, no ho ema nebe kaben sila atu bele hetan sidadaun Timor-Leste. Povu Nitibe mos husu ba estadu atu fo seguransa ba flonteira Sitrana nebe durante ne sempre iha problema entre povu nasaun rua nee.

Antes atu taka sorumutu ne, Vise Ministru Justisa Ivo Valente fo nia agradesimentu ba povu Nitibe nebe fo nia kbit mai partisipa sorumutu ida ne, no ho nia mensagem ba povu Nitibe, buat nebe ita bot sira rona bele hatóo ba maun alin sira nebe la partisipa iha envento ida nee.

Vise Ministru Justisa, Ivo Valente akompanha ho direktor DNDHC, Dr. Celito Cardoso, direktora DNRN Dra. Fatima de Araujo, Adjunto administrador Sub-distritu Nitibe Sr. Eurico Bobo, komandante PNTL, Sr. Inoçençio do Rosario, Amo paroko Nitibe, Beni Neu, SDB, Chefe departementu divulgasaun Sr. Jose Paulino, no ho funsionarius balun husi DNDHC, loron 14 – 03 – 2014.

Vise Ministru Justisa Ivo Valente, ho nia komutiva antes fila mai Oe-kusse husi Nitibe, almoso hamutuk ho povu sira iha Nitibe, fila mai Oe-kuse oras 15:25 lokraik.