Dili, Ministeriu Negocios Estrangeiro, Vise Ministru Justisa, Ivo Valente sai nudar orador, hodi apresenta nia palestra, nebe ho topiku Quadro legal ba Situasaun aktual konaba kombate krime Brankeamentu kapital no kontra finansiamentu terrorismu, nebe halao durante loron 4, hahu dia 10/ 03/ 2014.

Iha intervensaun Vise Ministru ne, aponta situasaun aktual no esforsu governo Timor-Leste nian konaba oinsa hari instituisaun no legaliza aktus atu kombate krime rua nebe nudar krime internasional.

Ivo Valente koalia konaba oinsa investiga krimes sira konaba Breankeamentu kapital no finansiamentu terrorismo, iha Timor-Leste nebe nudar papel instuisaun Justisa no hare oinsa Kontrolo Estado ba Organizasaun naun profit / NGO sira, baze legal hodi regista kompanhia sira, baze legal nebe foin aprova iha konsellu de Ministrus konaba hari Unidade Informasaun Finanseira, nebe iha Banco central nia sub tutela.

Seminariu nee mos konta ho partisipasaun nudar orador nasional hanesan Prokurador Geral da Republika Timor-Leste nian, no oradores husi nasaun seluk, hanesan Estados Unidos Amerika, husi Makau, etc.

Partisipantes nebe tuir seminariu ne, mai husi entidades estado nian lubuk ida, hanesan husi sektor Justisa rasik, Formandus husi centro formasaun juridika, Ministeriu Negosio Estrangeiros, Ministeriu Finansas ( Alfandega ), Polisia Nasional Timor-Leste nian, no seluk seluk tan.