Intalasaun Sekretaria do Estado Terras noo Propriedade, Dili, Vise Ministru Justisa Ivo Valente hamutuk ho Sekretario Estado ba Rai no Propriedade, sorumutu ho Funsionarius Kazuais husi distritus 13, iha Dili hodi redus politika governo konaba kontinuasaun levantamentu ba sistema kadastru nasional ida nebe, bele garante serteza ba teknika levantamentu sukat rai iha Timor – Leste tomak.

Programa nebe, nudar pasu ba dahuluk atu hahu/ inisia, kontinuasaun levantamentu kadastru iha territoriu tomak ne, marka mos preszensa husi Kompanhia nasional Grupo Media Nasional ho nia Joint Venture, ARM Aprize ( husi Portugal ), kompanhia nebe iha esperiensia ba assunto tekniku kadastru liu tinan 10 iha Portugal.

Nudar faze dahuluk, Ministeriu Justisa liu husi Vise Ministru Justisa, hatoo bem vindo ba kompanhia joint venture nebe sei servisu ho Ministeriu Justisa ba tinan naruk, hodi halao levantamentu ba identifikasaun rai, Komunidade nian, hodi utiliza teknoligia modernu.

Vise Ministru ba justisa Ivo Valente, hato nia intervensaun hodi introdus pessoal sira nebe sei halao servisu ho Funsionariu iha Terreno liu-liu iha distritu, nune mos explika konaba Estatuto ba Funsionarius Kazuai nebe mai husi programa ita nia Rai, sei transfere ba Kompanhia, no sai nudar funsionario kompanhia nian, Vise Ministru hein katak wainhira termina servisu ho kompanhia atu funsionarius sira fila mai halao fila fali servisu nudar funsionario Ministeriu Justisa nian, hodi kontinua aplika sistema kadastru nasional nebe instala ona.

Nune mos Funisonarius sira hetane explikasaun husi Sekretariu Estado Terras nian, konaba mekanismu de trabalho tekniku nebe sei halao hamutuk iha tinan hira oin mai, hafoin Reprezentante kompanhia GMN hatoo nia intervensaun konaba medidas nebe sei halao iha fulan hira oin mai.

Reunian nebe hahu iha tuku 10.00 termina iha tuku 13.00