Dili, Ministeriu Solidaridade Sosial, (MSS), pizu ba toluk, Vise Ministru Justisa Ivo Valente partisipa iha enkontru/sorumutu interministerial iha MSS, nebe lidera husi Ministra Solidaridade Sosial, inkuli partisipantes husi Sekretaria Estado Seguransa, PNTL, Sosiedade Sivil/NGO Belun, Ministeriu relevantes seluk nebe koalia konaba apoiu nebe UNDP fo ba resolusaun konflitus iha Timor - Leste.

Ministra MSS, Sra. Isabel Guterres hahu Loke lian ba dahuluk, agradese partisipasaun Vise Ministru Justisa, no partisipantes sira seluk, hodi kontribui ba programa prevene konflitus iha komunidade, hafoin lian nakloke , fo oportunidade ba Vise Ministru Justisa hodi halo intervensaun, nebe Sr. Ivo Valente, foka ba Papel Ministeriu Justisa hodi kontribui ba prevensaun konflitus, ka krime ka Disputas nebe bele mosu entre komunidade. Iha nia explikasaun Vise Ministru Justisa, akresenta importansia husi apoiu UNDP, Liu-Liu Governo Japao nebe iha komitmentu ona atu apoiu planu ka programa refere.

Tuir aprezentasaun husi UNDP, esklarese katak, apoiu sira nebe sei necessita ba tinan 3 oin mai, maka Milhaun rua, ba Ministeriu tolu, hanesan MSS, MJ no Sekretaria Estado Seguransa.

Vise Ministru Ivo Valente, kontinua husu apoiu ba resolusaun konflitu husi sosiedade sivil liu-liu oinsa papel atu desimina no informa konaba situasaun Lei ba rai, nebe aktulmente sai perkupasaun ema barak iha Timor –Leste.

Reuniaun nebe, hau tuku 14.00 termina iha 15.30 oras Timor-Leste.