SEKRETÁRIU Estadu Terras Propriedades (SETP), iha loron 26 fulan-Fevereiro 2014 foin lalais ne’e asina akordu ho embaisadór Indonesia iha Sala VIP Ministériu Negosi Estranjeiru e Koperasaun nian kona-ba atribuisaun rai ho nia luan besik metro kuadradu 2.500 hodi harii sentru kulturál Indonesia nian iha Díli Timór-Leste.

Hafoin asina akordu ho Embaisaór indonésia, ne’ebé asiste hosi Vise Ministru MNEC, Sekretáriu stadu Arte e Kultura, Emabaisadór Timór-Leste ba Vatikanu, Embaisadór Timor-Leste ba Portugal inklui mós funsionáriu no tékniku sira hosi MNEC no SETP nian.

Iha biban ne’e Jaime Xavier Lopes hato’o ninia agradesementu ba indoesia liu hosi ninia embaixadór tanba bele kria koperasaun ida di’ak hodi bele harii sentru cultural Indonesia nian iha timor-leste.
“Ami fiar Indonesia sei tau ninia sentru kultual ida ne’ebé maka bele kesi metin liulan relasaun di’ak entre Timor-Leste ho Indonesia liu-liu iha parte kultura, ami mós husu ba Indonesia atu bele harii lalais, sentru kultural ne’e iha fatin ne’ebé maka estadu ofrese ona, nune’e bele atrai Komunidade sira ne’ebé maka iha intrese.” Dehan Sekret’ariu Estadu.

Iha fatin hanesan Embaixadór Indonesia iha Timór-Leste, Primanto Hendrasmono, hato’o mós ninia agradesementu ba Estadu Timór-Leste, tanba bele arribui ona rai ba iha Indonesia hodi bele harii ninia sentru kulturál iha Timór-Leste.

Primanto hateten, nia parte sei esforsu-an hodi bele harii lalais sentru cultural nian ne’e iha tempu badak, e nia mós fiar karak, liu hosi harii sentru cultural ne’e bele krai amizade ne’e di’ak entre nasaun rua iha futureu.

Primanto esplika mós, akordu ne’e hanesan konkordansia entre Timor-Leste ho Indonesia, atu halo sentru kultural nian iha Dili. Ne’e mós bazeia ba vizita ofisial Prezidente Taur Matan Ruak nian ba Indonesia iha 2013 tinan kotuk.

Nia hateten, sentru kulutural Indonesia nian atu harii iha Dili ne’e ho nia objetivu atu hametin liu tan relasaun entre komunidade sira hosi Indonesia no Timór-Leste. Sentru kultura ne’ebé maka sei harii ne’e la’ós haree deit ba muzika maibé sei haree mós oinsa maka bele hasa’e kapasidade komunidade sira nian hodi halo negosi ki’ik ruma.

Hafoin asina akordu iha Sala VIP MNEC nian, iha loron 27 fulan-Fevereiru 2013 ekpia tékniku obras públiku, Edukasaun hosi Jakarta Indonesia, funsionáriu sira hosi Embaixada Indonesia nian no hetan akompañamentu hosi Ekipa MNEC no Terras Propriedades nian hodi ba halo kedas levantamentu dadus iha fatin ne’ebé ofrese ba sira iha Sentru Konvensoens Dili nia sorin ka iha eis Polres Merkadu lama.

Tuir informasaun hosi ekipa tékniku Indonesia nian hateten, molok tama fulan-Juñu 2014 Sei halo lansamentu hodi tau fatuk-ain.*