Dili-Delegasaun husi Republica Democratica São Tome Principé neébe Chefia husi Ministra Justica Editi Ramos da Costa,Procurador Jeral,Frederique Samba Viegas,Prezidente Konselhu Superior Tribunal Superemo Justica, Jose Antonio Vera Cruz Madeira halo vizita mai Ministeriu Justica hodi hare besik liu tan servisu Ministeriu Justica Timor Leste nian.

Tuir Minsitru Justica,Dionisio Babo hafoin hasoru malu ho delegasuan neé informa katak Delegasaun husi São Tome Principé mai vizita Ministeriu Justica atu hametin tan relasaun diak entre Minsiteriu Justica São Tome Principé ho Ministeriu Justica Timor Leste iha futuru liu-liu iha seitor justica nian.

“Objektivu Ministra Justica ho nia komitiva mai vizita Ministriu Justica neé atu hare besik liu tan servisu Ministeriu Justica nian e mos atu fahe esprensia ba malu liu-liu iha parte IT(Tecnolozia Informasaun ) tamba Timor Leste iha sistema IT ida neé mak sentralizadu tebes liu-liu iha seitor Justica nia ”Dehan Ministru Justica Dionisio Babo hafoin halo sorumutu ho Delegasaun neé iha sala Reinaiaun Ministeriu Justica,Caicoli Dili Quarta Feira (26/02).

Iha Sorumutu neé Direitor Geral Ministeriu Justica mos aprezenta planu Estratejiku Dezenvolvimentu Nasional seitor Justica nian ba tinan 2014-2030 ba delegasaun neé,
Hafoin halo reiniaun neé Minsitru Justica Timor Leste ho Ministra Justica, São Tome Principé troka mos prenda hodi hametin tan lasu entre nasaun Timor Leste ho São Tome Principé iha futuru.

Iha reiniaun ho Delegasaun husi São Tome Principé neé partisipa husi Ministru Justica,Dionisio Babo akompania husi Vice MInistro Justica,Ivo Jorge Valente Direitor Geral Ministeriu Justica,no Direitor husi Diresaun tomak Ministeriu Justica nian.