MINISTRA da justisa, Lúcia Maria Brandão Freitas Lobato Assina Akordu kona Kontratu de Arrendamentu ho reprezentante bispo dioseze Maliana nian Pr. Lúcio Norberto de Deus konabá rezidensia bispo Dioseze Maliana nian iha Gabinete Ministra Justisa Kinta (6/5) liubá.
Iha assina akordu ne’e hetan mos partispasaun husi Ministra da Justia rasik, Diretur Nasional Terras Proriedade e Servisu Kadastral (DNTPSC) nune’e mos ho Padre nain 2.

Antes assina Mj liu hosi nia intervensaun hateten, hosi ministeriu hadia ona kontratu ne’e tuir pedidu ne’ebé hato’o hosi dioseze, nune’e nia mos husu deskupa tanba iha loron ne’ebä kedas nia parte labele atu halo buat ida.

Tuir lolos kontratu ba arrendamentu ne’e assina ona antes bispo nia tomada de posse, maibe dokumentus ba kontratu ne’e foin mak simu depois de tomada de posse. Tanba tuir ministra karta ne’ebe simu hosi Ministeiru ESTATAL tadre liu.

MJ Salienta mos katak, uluk nia parte atu atribui assina akordu ne’e antes tiha ona, maibe tanba informasaun ne’e la apar tanba MInistru ESTATAL husu atu halo edifisiu kamara municipiu.

Asina akordu ba kontratu de Arrendamentu ne’e iha fatin rua hanesan Lahomea ho nia medida 185,00 m2 no ida iha Atulaka Raifuso ho nia medida 827,00 m2, kontratu de arrendamentu ne’e ho nia duransaun ba tinan 98 ne’ebé kada tinan hosi Igreza sei selu US$1,00.

wainhira ministru seluk ruma atu sae labele muda aribiru deit, e tenki haree ba kontratu. Kuandu muda ne’e bele konsiedera viola ona kontratu ne’ebé kria ona entre governu ho dioseze. Dehan Ministra.
Konabá seguransa, MJ hateten, ne’e entermus de seguransa juridika, nune’e la iha problema, ho ida ne’e mak ita presiza tempu hodi bele halo buat hotu.

Iha fatin hanesan reprezentante Bispo Dioseze Mailana, Pe. Lúcio Norberto de Deus mos hateten, hosi parte igreja liu-liu dioseze Mailana sente kontente tanba governu bele fasilita hodi bele assina akodru ba kontratu arrendamentu ba Rezidensia Bispo Dioseze Mailana nian.

Ananias Babo Horta
Media officer Gabinete Ministra da Justisa
No Kontaktu :7348624
Email : ahorta@mj.gov.tl