Dili-Ministeriu Justisa,liu husi DNAJL aprezenta lei 2 mak hanesan lei Organizasaun Investigasaun Kriminal no Lei Polisia Ceintifika Investigasaun Criminal (PCIC) iha Konselhu Ministru Tersa Feira (18/2).

Hafoin halo aprezentasaun iha intervista Ministru Justica,Dionisio Babo hateten katak ohin MInisteriu Justica aprezenta lei 2 ba konselhu Ministru ida kona ba lei organizasaun Investigasaun Criminal no ida seluk kona ba Polisia Ceintifika Investigasaun Criminal (PCIC) ba Konselhu Ministru,ita nia naran PCIC neé diferente ho nasaun sira seluk liu-liu nasaun neébe hola parte iha CPLP nian.

“Ami hakarak propoin Lei ida neé hodi reforsa servisu investigasaun,lei rua neé mak sei sai hanesan mata dalan hodi fo kapasitasaun masimu ba ekipa ivestigador sira,e ita halo investigasaun laos ba koalia deit maibe tenke iha provas ho diak tenke halo mos teste e iha tempu besik Timor Leste mos bele iha ona laboratorium”dehan Ministru Justica,Dionisio Babo.

Preizidente Konselhu Majestradu Defensor Publiku neé mos informa tan katak lei rua neé mak sei fasilita didiak prosesu investigasaun tamba ba futuru Timor Leste iah ona laboratorium ho hal teste ba crimi grave ruma.

“Lei neé sei fo protesaun ba Policia Investigasaun Kriminal sira inkului mos instituisaun neébe durante neé servisu hamotuk ba investigasaun Kriminal nian”Dehan Babo.