Dili-Ministeriu Justisa,liu husi Gabinete Inspessaun Auditoria (GIA) halao aprezentasaun ba loron segundu hodi aprezenta Planu Asaun Annual Ministeriu Justica nia ba tinan 2014 liu-liu ba Diresaun Nasional neeébe sei halo Pre-Deskonsentrasaun iha tinan ida neé hodi fo poder ba Direitor Distrital sira hodi foti desizaun.
Worshop neé halaó iha Centru Formasaun Juridico Caicoli Quarta Feira (19/2), Tuir Ministru Justisa,Dionisio Babo hateten katak Worshop ida neé inportante tebes ba Direitor no chefe Departamentu sira hotu atu hatene diak liu tan kona ba Planu Asaun Annual 2014 nian hodi halo ajustamentu ho orsamentu neébe ita iha.

“Ba tinan ida neé ejekusaun orsamentu tenke bazeia ba Planu Asaun Annual neébe ita iha tamba funsionariu publiko hanesan makina do estadu tamba neé presija Funsionariu sira hotu atu komprende didiak PAA neé”Dehan Ministru Justica Dionisio Babo.

MJ mos salienta tan katak Tinan ida neé ba Diresaun sira neébe iha ona delegasaun iha Distritu hanesan DNRN,SETEP,DNSPR komesa ona hahu halo Pre-Deskonsentrasaun hodi fo poder ba Direitur Distrital sira hodi foti desizaun tamba neé husu ba Direitur Nasional sira atu prepara ona ornograma molok atu komesa haláo Pre-Deskonsentrasaun.

Iha fatin seluk Vice Ministru Justica,Ivo Valente mos informa katak horseik hau koalia barak ona kona ba Planu Asaun Annual ba tinan 2014 hodi ajusata ho orsamentu neébe ita iha hodi refleta ba ita nia Planu Estatejia Dezenvolvimentu Seitor Justica nian .

Iha sorin seluk Inspektur Geral Hendriqui Ximenes Oliveira hateten katak objektivu worshop ida neé atu halo aprezentasaun ba PAA no desenpenhu,iha tinan 2014 neé mos Ministeriu Justica liu-liu diresaun neébe sei halo pre-Deskonstrasaun.

“Husu ba ba Superior sira atu foti desizaun hodi halo alterasaun ba lei organiko Ministeriu Justica nian hodi hadia fali estatutu diresaun sira neébe sei halaó pre-Deskonsentrasaun iha tinan ida neé”Dehan Inspektur.