Sentru Formasaun Juridika, Dili, oras 9:00 – 12:30, 18/02/2014, Vise Ministru Justisa Ivo Valente loke workshop nebe halao husi Gabinete Inspesaun no Auditoria (GIA), nebe halao loron rua dia 18 – 19 fulan Fevereiru 2014, iha salau sentru formasaun juridika, partisipa husi direktores nasionais, directores distritais no ho chefe departementu iha ambitu Ministeriu Justisa tomak.

Vise MJ Ivo Valente halo nia intervensaun hatete katak workshop halao ba dala rua no aponta importansia no tur hamutuk hare programa no Planu Assaun Annual (PAA), nebe ajustadu ho ba Orsamentu mai MJ tinan 2014, kada dirasaun hatene ona planu estratejiku sektor justisa, ho nune persiza ajusta kada dirasaun nia Planu Assaun Anual (PAA), hodi tuir orsamentu nebe aprova ona iha Ministeriu Justisa.

Kata husi workshop ne, ho hanoin ida, ajusta ho planu nasional nebe trasa ona ba tinan hirak oin mai, hodi atinge objectivu nasional nebe Timor Leste preve iha tinan 2030.

Ikus liu kada dirasaun sei halo apresentasaun nia prioridades no tau iha meza hodi halo diskusaun klean ba neseidades nebe tenki hahu iha inisiu tinan ne, hare mos ba tempo ezekusaun nebe persiza planeamentu ida nebe diak.

Objectivu atu hadia no ajusta planu sira nebe hakerek iha Planu Assaun Anual (PAA), hodi hatama ba Gabinete Premeiro Ministru.