Sentru Formasaun Juridika, Dili, oras 09.00 – 12.30, 17/02/2014, Vise Ministru Justiça Ivo Valente, akompanha husi Director Geral MJ, Dr. Francisco Carceres, Director DNAF Dr. Crisogno da Costa Neto, lidera reuniaun konaba Ezekusaun Orsamentu Geral Tinan 2014 nian, nebe konvoka Chefe Departamentu hotu-hotu iha ambitu servisu Ministeriu Justiça, ho agenda prinsipal rona Explikasaun ba regras geral ezekusaun orsamentu Estado nian.

Iha Sorumutu ne, Vise Ministru Justiça, explika konaba Lei numeru 2 / 2014 husi Parlamentu Nasional konaba orsamentu Geral Estado ba tinan ida nee, nune mos Dekreto Governu nian konaba Ezekusaun Orsamentu ba Ministeriu Justiça tinan 2014.

Explikasaun nebe, hahu husi Artigo 8 Lei numeru 2 / 2014, nudar fonte / ba Dekreto Governu hodi implementa Orsamentu tinan 2014.

Dekreto Governu nebe regula rigorozu ba ezekusaun ne, hahu diskuti artigo 1 ba to artigo 21. Nebe define, oinsa utiliza orsamentu ba benefisu estado / povu, husi regras Aprovizionamentu, utilizasaun ba Fundu de maneio, Adiantamentu, Fundu Infrastrutura, Fundu Kapital Humanu, transferensias publika, bens de seervisu, Capital dezenvolvimentu no kapital Minor, etc.

Sr. Ivo Valente husu ba kada dirasaun, chefe departamentu sira atu inteira no konese diak regras iha Dekreto ida nee, hodi implementa, tamba iha responsabilidade ba ezekusaun.

Chefe departamentu sira, tenki iha planeamentu I kalenderizasaun ba sira nia atividades nebe bazeia ba Planu Assaun Anual (PAA).

Antes termina sesau ida nee, Vise Ministru orienta ba dirasaun bot 2 hanesan DNRN, DNTP no Defensoria Publika atu habelar informasaun ne ba dirasaun distrital sira hodi hetan konesimnetu klean no kúmpri dever atu hatama relatorius tuir tempo determinadu ba kada servisu.

Reuniaun refere mos sublinha importansia atu assegura enkontrus hanesan iha futuro, ba fulan ida dala ida, hodi garante ezekusaun lao ho diak, no bele hakat liu dezafius ka obstakulus sira.