Carregueira-Iha loron tuir mai, 6 Fevreiro 2014, Ministu Justisa (MJ) Timor Leste ne’ebé akompnha husi Direitor Assessoria Jurídica e Legislação, Nelinho Vital no Assessora Jurídica, Patricia Coutinho, halo mos vizita trabalhu ida ba establesimentu prisional alta seguransa Portugal ninian iha Carregueira. Vizita Ministru Babo nian ne’e simu direitamente husi Direitor Geral Establesimentu Prisional no Reinsersaun Sosial, Dr. Rui Sá Gomes ho nia estrutura sira seluk.
Vizita ida ne’e importante tebes ba MJ tamba bele fó esperiensia ida diak liu tan hodi implementa politika reinsersaun sosial ninian. “Hanesan ita hotu katak, Governu Timor Leste foin lalais ne’e aprova ona Decreto Lei konaba Exekusaun da Pena, Medidasa Privativa Liberdade no La Libredade ninian. Entaun konaba tratamentu ba dadur sira iha establesimentu prisional nia laran, inklui forma husi formasaun ou trabalhu (mão de obra) ba dadur sira, atu nune’e bele produs obra ruma ho benefisiu ba sira nian rasik, tuir lei ne’e haruka. Vizita ida ne’e sei fó esperiensia diak ba Timor iha ninia implementasaun ba lei exekusaun da pena ne’e’, informa Ministru Dr. Babo iha ninian intervensaun.

Hafoin halo tiha sorumutu ne’e, MJ ho nia delegasaun hakat liu kedas ba haré fatin servisu ba dadur sira hodi halo ekipamentu ou produs mão de obra sira henesan halo piyama, fixadura odamatan no janela ninian. “Obra ne’e dadur sira halo bazea ba kontratu ho kompania sira. Nia lukru, sei fahe ba parte 3 hanesan kompania nian, establesimentu nian nomos ba dadur sira nian rasik”, informa Direitor Gomes. Aleinde fatin servisu hodi produs sasan komersial ninian, iha mos fatin ida seluk ba dadur sira atu servisu hodi halo manutensaun ba bens/ekipamentu establesimentu prizaun nian hanesan hadiak kadeira no meza sira ne’ebé aát ou tohar,
Husi parte seluk, dadur sira mos hetan kapsitasaun intelktual ninian hanesan formasaun lingua entranjeiro, formasaun komputador no seluk tan.
Visita ida sai interasante liu tan wainhira Ministru Dr. Dionísio ho nia komitiva hakat liu ba hodi haré oin nusa halo revista ba visitante sira, seguransa iha portaun laran, komando operasaun ninian inklui ekipamentu ne’ebé mais adequadu hodi halo protesaun tantu ba dadur sira ou protesaun ba guarda sira rasik. (N/)