Dili, Vise Ministru Justiça Ivo Valente, Akompaha workshop nebe halao husi Gabinete Inspeção no Auditoria (GIA), nebe halao loron rua dia 6 – 7 2014, iha salaun DNRN, iha loron ba dala-rua / loron 7 fevereiro 2014, partisipa husi directores nasionais, directores distritais no ho chefe departementu Ministeriu Justiça tomak.

Sr. Ivo Valente, aponta importansia iha inisiu ba tinan nee, atu tur hamutuk hare programa no planus ba ezekusaun orsamentu tinan 2014, kada dirasaun hatene ona Planu estrategiku sektor justiça, ho nune persiza ajusta kada dirasaun nia planu assaun anual, hodi tuir orsamentu nebe aprova ona mai Ministeriu Justiça.

Nune mos katak, katak husi workshop ne, ho hanoin ida, ajusta ho planu nasional nebe trasa ona ba tinan 2030 oin mai, hodi atinge objectivu nasional Timor - Leste nian.

Kada dirasaun aprezenta sira nia prioridades no tau iha meza hodi halo diskusaun klean ba nessesidades nebe tenki hahu iha inisiu tinan nee, hare mos ba tempo ezekusaun nebe persiza planeamentu ida nebe diak.

Objectivu hadia no ajusta planu sira nebe hakerek iha Planu assaun anual hodi hatama ba Gabinete Premeiro Ministru. Vise MJ mos koalia barak ba assuntos importante ruma iha dirasaun Nasional Terras e Propriedades konaba lei 2 nebe sei halao debate iha Parlementu Nasional, nebe to agora sei hein agenda hodi debate, no aprova, husu ba dirasaun DNRN konaba registu ba Kazamentu nebe lei kodigu resgistu sivil seidauk aprova iha Parlementu Nasional.

Workshop ne termina iha 07/02/2014. Dili, Timor - Leste.