Lisbon-Iha loron Quinta-feira, 5-2-2014, marka tan istoria foun ida ba servisu iha Ministério da Justiça Timor Leste nomos Portugal nian. Tamba iha loron ida ne’e, maka Ministru Justisa Timor-Leste, Dr. Dionísio Babo, ho Dra. Paula Texeira da Cruz, Ministra Justisa Portugal nian asina akordu importante ida konaba Protokolu Kooperasaun servisu iha area justisa ba nasaun rua. Seremonia asina akordu ida ne’e sai signifika liu tan tamba hetan sasin direitamente husi Primeiro Ministro Timor Leste, S.Exa. Kayrala Xanana Gusmão, iha edifisiu sentral Ministério da Justiça, Praça de Comércio, Lisboa, Portugal.

Iha okaziaun ne’e, Sr. Primeiro Ministro hato’o nia sentimentu kontenti servisu hamutuk husi nasun rua nian, iha area justisa durante ne’e. Iha esperansa katak, ho asina protokulu ne’e sei hametin liu tan lasu amizade entre Timor-Leste no Portugal. Primeiro Ministro Xanana, ne’ebé akompanha husi Ministru Justisa, Enkaregadu Embaixada Timor Leste iha Portugal, Vice Presidente Tribunal Recurso, enviado especial PM ba asuntu CPLP, Direitor DNAJL-MJ nomos asesor sira, akresenta liu tan katak, iha prosesu konstruksaun estadu nian, asuntu justisa sai hanesan seitor prinsipal tebes. Ho ida ne’e, kapasitasuan rekursu humanos nomos kooperasaun teknika husi instituisaun sira sai importante tebes.
Seremonia asina Protokolu Kooperasuan ne’e, remata ho troka prenda entre Ministra Justisa Portugal ho Pirmeiro Ministro nomos Ministru Justisa Timor Leste.
Hafoin seremonia ne’e, Primeiro Ministro kontinua kedas reuniaun ho alta entidade seluk Portuegasa nian. Iha sorin seluk, Ministru Babo ho nia ekipa kontinua kedas ba halo visita kortezia ba Escola de Polícia Judiciária iha Loures, Portugal. (N/).