Timor Plaza, (quarto pizu ) Dili, Vise Ministru Justiça, Ivo Valente nebe lidera Grupo/sektor Governasaun no Dezenvolvimentu Institusional, aprezenta ba Paizes ka Agensias Internasional ( doadores ) sira nebe durante ne, fo apoiu ba Dezenvolvimentu Timor–Leste, doadores MARKA PREZENSA IHA Mahon UNDP (PNUD), hamutuk ho Entidades Estadu Timor-Leste, akompana, no rona aprezentadores nain 3 husi Governu Timor–Leste Hanesan Ministra Solidaridade Sosial, Vise Ministru Justiça no Sekretariu Estadu Nino Pereira.

Vise Ministru Justiça nebe aprezenta topiku Governasaun iha Area servisu sektor Justiça, Ministerius seluk nebe relavante hanesan Administrasaun Estatal, PDHJ, KAK, PNTL, explika konaba desafius sira iha tinan lima kotuk husi tinan 2009 to 2014, nune mos hare prioridade sira ba tinan hat oin mai 2014 ba too 2019.

Ivo Valente, akresenta konaba objectivus nebe kada Ministeriu iha sektor ne konsege alkansa no hatudu desafius balun nebe sei hasoru iha tinan hira oin mai, hanesan alkansa ona objectivu balun : Resulta magistradus no defensores publikas lubuk ida nebe gradua husi Sentru Formasaun Juridika, Advogadus nain 7 , ( Juiz hamutuk 51, mane 38 feto 13 ) nune mos konstrusaun ba instalasaun edifisius no rezidensias ba autor judicial sira, hanesan loke ona delegasaun Prokuradoria Geral iha distritu 3 hanesan, Ermera, Viqueque no Bobonaro atu nune bele habelar sector justiça iha area remotas atu hetan mos justiça iha neba.

Vise MJ mos aponta assuntus seluk konaba governasaun local, desentralizasaun nebe sei hamosu iha tinan hirak oin mai.

Iha sesaun ikus, simu mos pergunta noo hatan husi membru governu nebe, partisipantes sira foka ba assuntu Rai, kodigu Sivil, prosesu ba kazamentu sivil iha MJ, etc..

Enkontru hahu iha 9:00 oras termina 12:45 oras Timor – Leste.