MINISTRA da Justiça, Lúcia Lobato Sexta, (16/4/2010) liu bá lori Governu Timor-Leste nia naran partisipa iha reuniaun Konsellu Seguransa ba dala 6299 iha salaun konferensia Nasoens Unidos nian ne’ebé halao iha Nova Yorque hodi deskuti konabá stretajia hametin Paz iha nasaun pos-konflitu sira.

Iha reuniaun ne’e Japaun mak sai nudar Presidente ba Konsellu Seguransa nian, ba biban ne’e hili nasaun Afganistan, Sierra-Leone no Timor-Leste nudar nasaun pos-konflitu tolu hodi fahe experensia kona ba oin sa nasaun ida-idak buka dalan hodi hametin Paz no estabilidade iha nasaun laran.

Ministra Lúcia iha ninia intervensaun fo liu atensaun ba solusaun sira ne’ebé mak Timor-Leste fo dadaun bá dezafios ne’ebé hasoru hanesan, Timor-Leste nia aten brani hodi hola inisiativa sai nudár uma nain no organizador ba Dialogu Internacional ne’ebé hala’o iha loron 9-10 de Abril hodi reune nasaun fragil hitu hodi koalia hamutuk ba problema sira ne’ebé hasoru hodi mos buka dalan ne’ebé hanesan hodi hasai án hosi konflitu.

iha enkontru ne’ebé nasaun barak fo sira nia apresuasaun pozetivu hodi gava TL tanba bele kria konferensia internasional ida ne’ebé mak bele konvida nasaun barak hodi partisipa ne’e Ministra Justisa informa liu tan katak, TL nia ukun Rasik-An sei otas tinan nurak maibe TL hetan ona sucesus barak.
Nia realsa mos katak, maske iha tinan badak nia laran maibe TL bele rezolve duni problemas bo’ot barak hanesan reforsa seguransa rai laran inklui fo rokoinesimentu ba herois sira tanba sira nia funu ba Timor nia Ukun Rasik-An no Timor nia liberdade, Relasaun ho Indonesia hahú hadia no hametin liu hosi Komisaun Verdade no Amizade no mos dialogo intensive entre lideresn nsaun rua ne’e nian.

Problema deslokadus ne’e tuir minisra ema balun dehan sei lori tinan naruk hodi rezolve maibe governu bele rezolve duni iha tempu badak, nune’e Intervensaun governu nian hodi fan fos atu rezolve problema aihan, tanba folin fos nian ne’ebé mak hahú sai karun, Policia no seguransa hahú servisu hamutuk nudar instituisaun estadu nian.

Ministra liu hosi ninia intervensaun kontribui mos hanoin importante tolu atu hametin Paz iha nsaun ida nia laran mak hanesan Nesessidade atu hala’o dialogu polítiku inklusivu atu nune’e bele iha oportunidade atu rezolve hamutuk problema sira ne’ebé liu ona.

Nune’e ministra realsa mos, atu hametin paz presiza mos atu determina prioridades nacionais ne’ebé los iha vizaun flexivel ida ba tempu naruk.

Lei no Ordem, hanesan fundasaun ba sociedade ida ne’ebé estavel no seguru atu lao tuir lei no ordem mak respeitu ba sistema justisa ida ne’ebé direito no obrigasaun estadu no cidadaun nian tenki cidadaun sira hatene no bele atu hala’o. Ministra hateten.*

Ananias Babo Horta
Media officer Gabinete Ministra da Justisa
No Kontaktu :7348624
Email : ahorta@mj.gov.tl