MJ,VMJ Orienta Direitur Nasional Iha MJ Tomak Atu Ejekuta Orsamentu Tuir PAA
Dili-Ministru Justisa,Dionisio Babo akompania husi Vise Ministru Justisa Ivo Valente halo reiniaun konseltivu ho Direitur sira hodi fo orientasaun ba Direitur Nasional tomak kada diresaun atu ejekuta orsamentu jeral do estadu 2014 nian tuir Planu Asaun Annual nia,e mos fo prazu ba direitur kada Diresaun atu hatama ona Planu Asaun Annual ba Gabinete Direitur Jeral hodi submete ba Gabinete Primeiru Ministru molok dia 5 Fevereiru.
Tuir Minstru Justisa,Dionisio Babo iha reiniaun neé informa katak orsamentu ba tinan 2014 neé aloka ba iha Ministeriu Justisa ho montante hamotuk 21,340 Miloens dolar Americanu,tamba neé husu ba Direitur Diresaun hotu-hotu atu ejekuta orsamentu jeral estadu 2014 neé tuir Planu Asaun Anual neébe imi planeadu ona.
“Hau (Mj) husu ba Direitur hotu-hotu iha Ministeriu Justisa tomak atu ejekuta orsamentu tuir Palnu Asaun Annual neébe ita boót sira planeia ona tamba tinan ida neé laos atu hadia tan uma laran maibe tinan ida neé atu konsolida eksekusaun e hakbit diresaun ida-idak nian hodi hare ba kualidade de servisu laos atu gasta arbiru deit”Dehan Ministru Justica,Dionisio Babo hafoin halo reiniaun ho Direitur sira iha Centru Formasaun Juridico Caicoli Dili Quarta Feira (29/01).
MJ mos informa tan katak diresaun hotu-hotu atu hatama ona Planu Asaun Annual ba Diresaun Nasional Administrasaun Finansa (DNAF) hodi submete ona ba iha Gabinete Primeiru Ministru molok dia 5 de Fevereiru.
Ministru Justica mos salienta tan katak ejekusaun orsamentu kada fulan tolu (3) ita tenke aprezenta ita nia ejekusaun fulan tolu neé halo saida e aprezenta mos planu asaun annual ba fulan tolu oin mai atu halo saida iha Parlamentu Nasional.
Iha fatin hanesan mos Vise Ministru Justisa,Ivo Valente hateten ba tinan 2014 fundu infra-Estrutura ba Ministeriu Justisa halo kontinuasaun ba edifisiu Ministeriu Justisa nia e mos ba Supremu Tribunal Justisa nian.
“Husu ba Direitur hotu-hotu katak orsamentu ba viajem estranjeiru no local tinan neé komisaun Eventual koaá hotu tamba neé tinan ida neé viajen local no estranjeiru tenke menus” dehan Vise Ministru Justisa.
