Gabinete Vise Ministru ba Justiça, 28/01/2014, iha oras 10.00, Vise Ministru Justiça Ivo Valente, simu vizita husi UNICEF ( Organizasaun ONU ba Direitu Labarik ) nebe chefia husi Sr. Rene Van Dongen ( Deputy Representative ), hamutuk ho membru delegasaun nain 4 seluk, hodi diskuti no rona opiniaun konaba assaun protesaun direitu Labarik nian iha Timor- Leste.

Diskusaun nebe halao iha oras ida nia laran, koalia barak planu oinsa estabelese Mekanismu koordenasaun entre Ministerius sira no sosiedade sivil, hodi fo protesaun ba Labarik sira, tuir lei ka konvensauun Internasional nebe Timor Leste ratifika ona, nune mos tuir artigo 20 husi kodigo penal Timor- Leste nian, bazeia ba propsota nebe iha, sei hamosu koordenasaun entre partes balun hodi hare lalaok, no implementasaun protesaun ba labarik sira nune mos, oinsa hatur prioridade ba prevensaun atu evita / hadok labarik sira husi violensia ka konflitu ho Lei.

Atu dezenvolve mos Planu asaun Justiça Juvenil Nasional ida nebe bele garante protesaun sira ba direitu nebe hakerek iha Lei sira, nessesita hari grupo trabalho ida nebe bele kompostu husi instituisaun ka organizasaun sira hanesan , Ministeriu Justiça rasik, Ministeriu Solidaridade sosial, Komisaun direitu Labarik, Ministeriu Edukasaun, Ministeriu ESTATAL / MAE, SEPFOPE, Saude, Finanças, Sec Estado Juventude, Procuradoria Geral da Republika, Defensoria Publika, Tribunais, PNTL, noo seluk tan.

Sorumutu ne mos diskuti assunto seluk, konaba estudo komparativu ruma nebe Timor- Leste persiza hare besik, importansia no lalaok, husi nasaun balun nebe , iha futuru bele implementa iha Timor- Leste.