Dili-Ministeriu Justica, liu husi Diresaun Nasional Serviços Prisionais e de Reinserção Social (DNSPRS) servisu hamotuk ho Forsa Defeza Timor Leste (F-FDTL) hodi fo formasaun ba Gurda Prizional hodi aumenta tan sira nia kapasidade intermus de fizika atu nune bele eleva sira nia servisu lor-loron liu-liu iha Prizaun.
Tuir Direitur Diresaun Nasional Serviços Prisionais e de Reinserção Social (DNSPRS) Helder Cosme Marcal Belo iha abertura neé hateten katak bazeia ba dekretu lei artigu 41 no 10/2012 rekualifikasaun ba Gurda Prizional sira tamba neé formasaun ida neé inportante tebes ba guarda sira atu bele aproveita didiak hodi hatudu komportementu neébe diak iha formasaun durante semana rua neé nia laran.

“Husu ba Guarda Priziona sira atu bele aproveita tempu neébe ho didiak liu-liu tenke hatudu disipilina neébe diak iha formasaun nia laran”Dehan Direitur DNSPRS.
Direitur neé mos informa tan katak benefisiu husi husi formasaun ida neé primeiru sei ba ita boót sira nia saude rasik e ba instituisaun estadu liu-liu iha Prizaun,e formasaun neé loas deit atu para iha ida neé maibe sei iha kontinuasaun, tamba nesesidades servisu hanesan deret hitung (progressão geometrica no kapasidade funsionariu hanesan deret ukur (aritmeticamente) .
Iha fatin seluk Direitur Formasaun INAP Sra. Olga Maria, M.AP hateten durante semana rua nia laran ita bo’ot sria tenke aproveita tempu ho diak atu bele aprende saida mak formadores sira atu fo liu-liu formasaun fizika ni.
“Ita boót sira tenke hatudu disiplina iha tempu formasaun nia laran atu nune bele aproveita buat ruma molok formasaun neé remta atu nune fila ba iha fatin bele implementa saida mak durante neé ita boot sira hetan iha formasaun neé ”Dehan Diretora INAP
Formasaun Turma I hahu 9 – 20 Desembru tinan 2013, Formasaun Turma II hahu husi 6 – 17 Janeiru 2014, no Turma III, hahu husi 20 – 31 Janeiru 2014. Depois Turma IV sei tuir tan, ate Turma IX.