Dili-Ministeriu Justica,Dionisio Babo fo parabens ba Komunidade Besilaun Distritu Aileu ne’bee fo sira nia kontribuisaun hodi kaptura tan dadur nain rua mak hanesan Inacio de Oliveira ho Angelino do Santos hamotuk ho Prizoneirus nain tolu seluk neébe agora sei Buru-án hela neébe halai sai husi Prizaun Becora iha loron 3 fulan Novembru 2013.
Tuir Ministru Justica Dionisio Babo hateten katak Parabens ba komunidade Besilau ne’ebe iha koperasaun diak tebes ho autoridade local no PNTL liu-liu Polisia Militar hodi ba kaptura tan dadur nain rua iha area Besilau Distritu Aileu nian.
“Primeiru hau (MJ) fo parabens ba ita nia komunidade Besilau tamba sira iha interese boót hodi kontribui ba ita nia justica iha ita nia rain tamba justica atu lao diak presija ita hotu nia kontribuisaun”dehan Ministru Justica,Dionisio Babo iha Knar fatin Caicoli Dili Segunda Feira (13/01)
Iha fatin seluk Direitru Prizaun Helder Gosme Marcal Belo hateten katak dadur nain rua neébe Polisia Militar kaptura iha area Besilau Aileu nian agora dadaun iha hela sela alternativu hodi halo observasaun ba nia atitudi molok lori ba tau hamotuk iha ho nia maluk dadur sira iha sira nian fatin uluk.
“Prizoneiru nain rua neébe horseik Polisia Militar kaptura mak hanesan Inacio de Oliveira ho Angelino do Santor agora dadaun sei tau hela iha sela alternativu hodi halo obsrvasaun ba sira nia hahalok hodi hein desizaun husi Tribunal”dehan Direitur Helder Gosme