MINISTERIU Justisa (MJ) assina akordu ho United Nations Development Program (UNDP) no Universidade Nasional Timor Lorosa’e (UNTL) iha Tersa, (9/3) liuba hondi aumenta kapasidade ba rekursus humanus iha seitor justisa nian.

Iha assina akordu ne’e ministra hateten, ne’e hanesan parte pozetivu ida ne’ebé mak governu liu hosi Ministeiru da justisa kria hodi aumenta tan kapisade rekursus humanus nian iha seitor da justisa.

Assina akordu ne’ebé hala’o iha sala reuniaun Ministeiru da justisa ne’e hetan partisipasaun hosi Ministra da Justisa, Prezidente Tribunal Rekursu, Adjunto PGR, membru UNDP, Reitór UNTL, Diretora hosi Sentru Formasaun Juridiku, Country Director of UNDP no Direitór hosi Fundasaun Universidade Portugeza FUP ne’ebé durante ne’e halao nia knar iha UNTL.

Iha fatin hanesan reitór Universidade Nasional Timor Lorosa’e (UNTL) Benjamin Cortereal heteten, assina akordu ne’ebé hala’o hori UNTL ho seitór justisa ne’e atu reforsa formasaun jurista sira nian iha UNTL.

Nune’e tuir Cortereal, hodi okupa vaga sira ne’ebé mak sei kria hodi kompleta sistema judisiaruy iha TL liu-liu iha seitor justisa.

Reitór UNTL nian ne’e garantia mos katak, tinan ne’e iha ona graduadus liu-liu iha area direitu nian ne’ebé mak sei halo sira nia graduasaun iha UNTL.

Nune’e tinan ne’e sira bele kanaliza ba formsaun ne’ebé Sentru Formasaun Juridiku fo hodi bele atende nesesidades hosi sistema tribunal sira nian inklui mos seitor justisa tomak.

Antes assina akordu Prezidente Tribunal Rekursu, Claudio Ximenes hateten, assina akordu ne’ebé halao hosi Ministeriu da justisa ho Universidade ne’e hanesan parte pozetivu ne’ebé mak bele ajuda hodi kapasita rekursus humanus iha seitor da justisa nian.

Liu hosi deskursu Country Director UNDP mos hateten, ne’e hanesan assina akordu dahuluk ne’ebe bele reforsa tan kolaborasaun entre instituisoens, liu-liu iha parte judisiariu nian ne’ebé mak iha seitor justia nia okos.

Ananias Babo Horta

Media Officer Gabinete Ministra da Justisa