Directora Nacional do Registos e dos Notariado Dra. Maria do R. Fátima Castro de Araújo hamutuk ho Funsionario Direcção Nacional ho Conservatorio Distrito Dili nia hala'o inkontru ida iha Salao inkontru DNRN nia nebe kolia kona ba atu hadia servisu Direcção nia iha tinan foun 2014 ba oin ho diak liu tan.
Iha inkontru ne Directora Nacional Dra. Maria do R. Fátima Castro de Araújo husu ba Funsionario tomak Direcção Nasional registo se dos Notariado nia atu esforsu an servisu ho diak

hodi servi ba povo ho Nasaun doben ida ne, husu ba funsionario hotu atu tama no sai ho oras no mos utiliza viatura estadu ho diak tuir nesesidade servisu nia, tenik Directora Dra. Maria do R. Fátima Castro de Araújo.

Nune'e mos Funsionario balun ho Directora fo hanoin ho diskusaun ba malu kona ba lalaok servisu Direcção nia atu iha tinan ida 2014 ne prestasaun servisu bele diak liu tan, liu-liu ba iha atendemento publik nia.

Inkontru ne partisipa mos Director Conservador Distrito Dili, Sr/a. Notario ho Conservador sira, Chefe Departamento ho Funsionario Direcção nia. Inkontru ne comesa tuku 8:30 to 11:00.

Dili, 3 de Janeiro de 2014

Direcção Nacional Registo e dos Notariado