Dili-Ministru Justica,Dionisio Babo ho Prezidente Funsaun Publica Liborio Pereira fo posse ba Eis Diretora Centru Formasaun Juridico (CFJ) Marcelina Tilman hodi assume fali kargu nudar Diretora Jeral Centru Formasaun Juridico (CFJ ) ho mandatu tinan 2,serimonia tomada de posse neé haláo iha Centru Formasaun Juridico Caicoli Dili Terca Feira (17/12).

Tuir Ministru Justica,Dionisio Babo hateten katak parabens ba Diretora Marcelina Tilman neébe ohin simu ona posse hodi sai hanesan Diretora Jeral ba Centru Formasaun Juridico (CFJ) ,liu husi centru ida neé sei dezenvolve seitor justica lao ho diak iha futuru tamba liu husi Centru ida neé mak sei prepara no produz rekursu humanu iha parte justica nian iha fatin ida neé.

“Husu ba Diretora Jeral Centru Formasan Juridico foun iha mandatu tinan rua nia laran atu estabalese metrolojia foun hodi prepra maluk Timor oan sira neébe iha kapasidade mai tuir formasaun majestradu nian hodi sai Juiz,Procurador,Defensor tenke hahu prepara sira nia kapasidade hahu kedan Centru formasaun molok atu sai Juiz,Procurador,Defensor ” Dehan Ministru Justica,Dionisio Babo.

Iha intervista Ministru Justica,informa katak agora dadaun mos Ministeriu Justica prepara ona Formadores Timor oan 13 hodi sai formador ou Dosen tamba durante neé formador internasional deit tamba neé governu prepra ona Timor oan nain hira neé hodi troka Formador Internasional sira neé.

Iha fatin seluk Diretora Jeral Centru Formasaun Juridico Marcelina Tilman iha diskusu hateten katak Agradese ba V Governu Konstituisional liu-liu Ministro Justica neébe iha konfiansa boót ba hau hodi assume kargu ida neé tamba neé hau sei haláo hau nia knar tuir lei neébe iha.

“Iha hau nian mandatu tinan 2 sei estabalese bibleoteka neébe diak iha Centru formasaun ida neé hodi fasilita majestradu sira neébe tuir formasaun atu bele asesu liu-liu sei estabelese mos internet”Dehan Marcelina Tilman