Sidade Malang, java leste Indonesia, loron sabado 14 de desembro 2013, iha salau Universidade Gajayana malang magnifiku Reitor DR. H. Rosidi. AK. MM ho estruktura Universidade Gajayana, liu husi seremonia nebe nivel estudo Licensiatura no Mestrado.
Vise Ministru Justiça, Ivo Valente partisipa nudar konvidadu ba honra Universidade ne, tamba entre 230 estudantes, inklui Timor oan nebe estuda hamutuk 36 funsionarius publiku husi Ministeriu Justiça nian 14. Seremonia nebe hahu tuku 09:00 oras Indonesia oeste, estudantes tama ho bicha, nune tur ho estruktura Universidade.
Universidade ne iha koperasaun ho Timor – Leste hahu tinan 2005, iha uportunidade vizita Universidade, Vise MJ Ivo Valente hasoru malu ho magnifiku Reitor hodi diskuti assuntos balun konaba estudantes Ministeriu Justiça nebe halao hela estudo iha fatin ne.

Seremonia graduasaun ne GRADUA ba Mestrado, director balun husi Ministeriu Justiça, hanesan Dr. Henrique de Oliveira Ximenes, MM (Inspector GIA), Dra. Fatima Araujo (Directora DNRN), Dr. Crisogno da Costa Neto, SE, MM, hamutuk ho funsionarius publiku Ministeriu Justiça sira seluk. Graduasaun formal ne termina iha oras 13:00 no tuir ho programa ba “HUSI GRADUADOS” Mestrado iha aula/salau programa Mestrado Universidade Gajayana.
Tempo nebe Vise Ministru Justiça, Ivo Valente ható nia intervensaun, lori V governu konstitusional nia naran agradese universidade ida ne, tamba koperasaun nebe lão diak durante tempo naruk. Husu ba graduados sira atu implementa “MATENEK” nebe sira hetan iha universidade ne , hodi lori benefisiu ba estado Timor – Leste, no povu Timor oan.
Vise Ministru Justiça, Ivo Valente mos hein katak sei iha nafatin kontinuasaun no uportunidade ba Timor oan sira seluk, atu kontinua estuda iha fatin ne. Akresenta mos katak, ohin loron kompetisaun maka ás iha rekursus humanos, bainhira la hatudu kualidade, sei deficil atu bele kompete iha mundo globalizado. Nune mos, bele hare potensia koperasaun seluk nebe bele haklean no habelar matenek ba ema seluk.
Seremonia nebe remata ho almoso hamutuk ho amizade nia laran. Ekipa Vise Ministru Justiça, sekretaris Solange Pires ho media officer Honorio dos Santos.