Dili-Ministeriu Justica,liu husi husi Gabinete Inspensaun Auditoria (GIA) haláo Worshop ba Diresaun Nasional Registo Notariadu (DNRN) no Diresaun Nasional Terras e Propridade (DNTP) hodi halo avaliasaun ba atividade DNRN durante neé sira halo liu-liu ba atendementu Publiku, liu husi Worshop ida neé atu bele halo Avaliasaun ba frakeza nee’be durante neé sira halo,Worshop neé haláo iha edifisiu Diresaun Nasinal Registo Notariadu (DNRN) Dili Bebora Quarta Feira (11/12).

Tuir Ministru Justica,Dionisio Babo iha Worshop neé hateten katak Politika V Governu Konstituisional iha ambito atu hadia uma laran tamba neé Ministeriu Justica liu husi Gabinete Inspensaun Auditoria halo inpensaun no avaliasaun ba atividade neébe durante neé DNRN ho Diresaun Nasional Terras e Propridade halo no mos failansiu neeébe mak durante née ita mos sira iha atu bele hadia atu nune iha futuru atu labele akontese tan.

“Worshop ida neé inportante tebes ba Diresaun Nasional Registo Notariadu tamba servisu DNRN no DNTP nia neébe barak liu mak halo atendementu ba publiku tamba neé Ministeriu Justica liu husi GIA atu bele halo avaliasauna atu nune bele indentifika frakeza no failansiu ne’ebe durante neé ita bo’ot sira halo ita rasik sei la hatene ita nian sala tenke liu husi ema seluk mak bele hare ita nia prestasaun servisu liu-liu halo atendementu publiku neé diak ka lae”Dehan Ministru Justica,Dionisio Babo.

Ministru Justica,mos informa tan Planu Asaun Annual (PAA) laos deit Direitur no Chefe Depatamentu sira mak hatene maibe estaf sira mos tenke konhese atu nune bele haláo servisu la presija orientasaun husi Direitur sira maibe funsionariu sira hatene ona sira nia servisu lor-loron nia tamba funsionariu hotu-hotu iha ona inskrisaun de tarefas la presija hein orentasaun husi Chefe sira.

MJ mos salient tan katak iha tinan 2014 Gabinete Inspensaun Auditoria (GIA) tenke halo mos auditoria no avaliasaun ba Administrasaun iha Diresaun hotu-hotu iha Ministeriu Justica nian laran tamba Administrasaun mak fuan ba Diresaun hotu-hotu.

Iha fatin seluk Inspektur Gabinete Inspensaun Auditoria Henrique de Oliveira Ximenes mos informa tan katak tuir relatoriu resultadu worshop ho nia rekomendasaun iha numero 266/GIA-MJ/CO/VIII/2013 iha loron 26 fulan Julho tinan ida neé refrensia ba point hira neébe menci ona iha leten Ministru Justica hatun despacho ba DNRN hanesan atu halo sorumutu ho Concervadores Distritais Chefe Departamentu no oficiais tecnico superior sira iha nivel diresaun nian.

“Gabinete Inspensaun Auditoria Ministeriu Justica nian sei halo kontrulu maximu ho asaun de akompanhamentu e sei avalia fali iha loron 27 fulan Outubro tinan 2013 kona ba implementasaun atividade hanesan menciona iha leten despaxu ida neé hatun para atu ezekuta no kumpri ho responsablilidade tomak ”.

Worshop ba avaliasaun atividade ba Diresaun Nasional Registo Notariadu no Diresaun Nasional Terras e Propridade durante loron rua nia laran hodi diskuti failansu no frakeja neébe durante neé Diresaun rua nelé hasoru tamba diresaun Rua neé mak haláo servisu barak liu haláo atendementu publiku.